فار کرای ٤

لە ئینسایکڵۆپیدیای ئازادی ویکیپیدیاوە
(لە فاڕ کرای ٤ (یاری)ەوە ڕەوانە کراوە)
Far Cry 4
ھاواری دوور ٤
ساڵانی چالاکی١٨ی تشرینی دووەمی ٢٠١٤
جۆرجیھانی کراوە
ئاکشن
یاریزانانسینگڵ پلەیەر (یەک یاریزانی)
دوو یاریزانی بەشێوە سەرھێل

فار کرای ٤ (بە ئینگلیزی: Far Cry 4؛ بە کوردی: ھاواری دوور) یارییەکی جیھانی کراوەی ئاکشنییە کە لەلایەن کۆمپانیای (یوبیسۆفت)ەوە پەرەی پێدراوە و بڵاو کراوەتەوە و بەشێکە لە زنجیرە یارییەکانی فار کرای. یارییەکە بۆ ھەریەکە لە ئامێرەکانی ئێکس بۆکس ٣٦٠، ئێکس بۆکس وەن، پلەی ستەیشن سێ و چوار و ویندۆز بەردەستە. یارییەکە بەشی چوارەمی زنجیرە یارییەکانی فار کرایە و لە ١٨ی تشرینی دووەمی ٢٠١٤ بڵاوکرایەوە.

یارییەکە لە شوێنێکی خەیاڵی دەست پێ دەکات بەناوی (کایرات) کە وڵاتێکی خەیاڵی لای چیاکانی ھیمالایایە، و لەوێشدا باسی گەنجێک دەکات بەناوی ئاجای گەیل، کە گەنجێکی کایراتی- ئەمریکییە، کاتێک دەگەڕێتەوە گوندەی لە کایرات جەنگێکی ناوخۆیی دەست پێ کردووە لەنێوان سوپای شاھانە و شۆرشگێڕانی گۆڵد پات - ڕێگای زێڕین، لەم نێوەندەشدا ئاجای وەک سەرۆکی ڕێگای زێڕین دادەنرێت و کار دەکات بۆ لەناوبردنی سەرۆکی سوپای شاھانە (پاجان مین) کە کەسێکی دڵڕەقە و قاتێکی پەمەییی لەبەردەکات ھەموو کاتەکان.

یارییەکە کاردانەی پۆزەتیڤی وەرگرت لەلایەن ڕەخنەگران و گرافیکی یارییەکەیان بە نایاب وەسف کرد، یارییەکە توانی دوای تەنھا دوو مانگی یەکەم، ٧ ملیۆن دانە بفرۆشێت و بووە یەکێک لە پڕفرۆشترین یارییەکانی ساڵی ٢٠١٤.[١]

سەرچاوەکان[دەستکاری]

  1. ^ "Far Cry 4 gameplay footage shows co-op, grapple hook, kicking". Eurogamer. ١٠ی حوزەیرانی ٢٠١٤. Archived from the original on 26ی Septemberی 2019. Retrieved 19ی Juneی 2019. {{cite web}}: Check date values in: |access-date=، |date= و |archive-date= (help)