فار کرای ٣

فار کرای ٣
سەرناو	Far Cry 3
بەشێک لە زنجیرەی	فار کرای
چەشن	کایەی ئەکشن-سەرکێشی، تەقەکەری کەسی یەکەم
چاپەکان	Far Cry 3 Classic Edition
پەرەپێدەر	Massive Entertainment، Ubisoft Shanghai، Red Storm Entertainment
بڵاوکەرەوە	یوبی سۆفت
سەکۆ	مایکرۆسۆفت ویندۆز، پلەیستەیشن ٣، ئێکس بۆکس ٣٦٠
ڕێکەوتی بڵاوکردنەوە	٢٩ی تشرینی دووەمی ٢٠١٢
وڵاتی بنەڕەت	کەنەدا
سیناریۆنووس	Jeffrey Yohalem
ئەکتەران	Gianpaolo Venuta، مایکڵ ماندۆ، Julian Casey
ئەکتەری دەنگی	Faye Kingslee
ئاوازدانەر	Brian Tyler
بەرھەمھێنەر	Dan Hay
دابەشکەر	ستیم، علي، مایکرۆسۆفت ستۆر، فرۆشگای ئیپیک گەیمز، پلەیستەیشن ستۆر
شوێنی گێڕانەوە	Rook Islands
تۆماری پێداچوونەوە	88/100، 91/100، 89/100
خەڵاتەکان	British Academy Games Award for Action Game
ڕوودەدات لە گەردوونی خەیاڵیی	Far Cry universe
کەسایەتییەکان	Jason Brody، Hoyt Volker، Vaas Montenegro، Buck Hughes، Citra Talugmai
دۆخی کایە	فرە یاریزان، تاک یاریزان
بزوێنەری نەرمامێر	Dunia 2
چەشنی بڵاوکردنەوە	پەپکی بینایی، دابەشکردنی دیجیتاڵی
OFLC classification	R16
ڕیزبەندی ڕێکخراوی کات بەسەربردنی کۆمپیوتەر	Z
نرخاندنی ESRB	پێگەیشتوو ١٧+
نرخاندنی PEGI	پی ئی جی ئای ١٨
نرخاندنی USK	USK 18
وێبگە	https://www.ubisoft.com/en-us/game/far-cry-3
دۆخی چاپکردن	مافی بڵاوکردنەوە پارێزراوە
Has spin-off	Far Cry 3: Blood Dragon
بەکاردەھێنێت	Far Cry 3 map، PunkBuster
شوێنی ڕێکخستنەکان	fictional island
Compatible with	Steam Deck، لینوکس
لە ویکیدراوە دەستکاریی زانیارییەکان بکە

فار کرای ٣ (بە ئینگلیزی: Far Cry 3) یارییەکی ڤیدیۆیی تەقەکەری کەسی یەکەم و کایەی ئەکشن-سەرکێشی و جیھانی کراوەیە کە لەلایەن کۆمپانیای یوبیسۆفت مۆنتریال پەرەی پێدراوە و لەلایەن یوبی سۆفتەوە بڵاوکراوەتەوە. یارییەکە بۆ یەکەمجار لە ٢٩ی تشرینی دووەمی ٢٠١٢ لە ئوسترالیا و دواتر چەند ڕۆژێک دواتر لە ئەورووپا و ئەمریکای باکوور بڵاوکرایەوە. ھەروەھا یاری فار کرای ٣ لە ٧ی ئازاری ٢٠١٣ لە ژاپۆن بڵاوکرایەوە. ئەم یارییە لەلایەن کۆمپانیای یوبی سۆفتەوە بۆ پلاتفۆرمی پلەیستەیشن ٣ و ئێکس بۆکس ٣٦٠ و مایکرۆسۆفت ویندۆز بڵاوکراوەتەوە.

دیزاینی ئەم یارییە لەلایەن کیڤن گویلمێت و جەیمی کەین و ئەندریا زانینییەوە کراوە و مۆسیقا و دەنگی یارییەکەش لەلایەن برایان تایلەرەوە کراوە. ئەم بەشەی یاری فار کرای لەلایەن دان ھای بەرھەم ھێنراوە.

یاری فارکرای ٣ چیرۆک و کارەکتەرەکانی جیاوازە لە بەشەکانی پێشوو. چیرۆکی ئەم یارییە لە دەوری چەند گەنجێک دەسوڕێتەوە کە گەشتیان کردووە بۆ دوورگەی ڕۆک کە دەکەوێتە زەریای ھێمن بۆ ئەوەی کاتێکی خۆش بەسەر بەرن و لەلایەن چەتەی دەریایییەوە دەگرترێن. کارەکتەری سەرەکی و تاکە کارەکتەری کۆنتڕۆڵکراوی یارییەکە، جەیسۆن برادی، گەشتیارێکی ئەمریکییە. ڤاس و سیترا مۆنتینیگرۆ لە کارەکتەرە بنەڕەتییەکانی دیکەی ئەم یارییەدان. یارییەکە لە دوو بەشدا پەیڕەو دەکرێت، دوورگەی باکوور و دوورگەی باشوور، کە ھەریەکەیان لەژێر کۆنترۆڵی یەکێک لە دوژمنەکانی جەیسۆندایە. جەیسۆن برادی وەک تاکە کارەکتەری کۆنترۆڵکراو لە یارییەکەدا، بە ھەوڵەکانی بۆ ڕزگارکردنی ھاوڕێکانی و ھەڵھاتن لەم دوورگەیە، چیرۆکی یاری فار کرای ٣ لە قاڵب دەدات، کە بە تێپەڕبوونی کات تووشی وردەکاری زیاتر دەبێت و خەڵکی زیاتر دەچنە ناو چیرۆکەکەوە.

یۆرۆگەیمەر دیمەنە سروشتییەکان و گیانلەبەرە کێوییەکانی فار کرای ٣ی بە دەستکەوتێکی تەکنیکی سەرسووڕھێنەر وەسف کرد و نمرەی تەواوی بەم یارییە بەخشی کە ١٠ لە ١٠ پێکھاتبوو؛ بەڵام گەیم ترەیلەرز ڕەخنەی لەو ھەستەی دووبارەبوونەوەی گرت کە ڕۆک ئایلەند دەیبەخشێتە یاریزانەکە و ئەم یارییەی ھاوشێوەی چاندی بکوژێک ناوبرد و ئەم یارییەیان بە ٨٫٦ لە کۆی ١٠ نمرەی بەخشی. یاری فار کرای ٣ خەڵاتی باشترین یاری ئەکشنی بەدەستھێنا لە نۆیەمین خەڵاتی ئەکادیمیای بەریتانیا بۆ یارییە کۆمپیوتەرییەکان.

یاری فار کرای ٣ لە ھەفتەی دەیەمی دوای بڵاوبوونەوەی، ١٬٨٩١٬٨٨٠ دانە لە ئێکس بۆکس ٣٦٠، ١٬٦١٠٬٠٠٣ دانە لە پلەیستەیشن ٣ و ٤٤٠٬١٣٥ دانە لە مایکرۆسۆفت ویندۆز فرۆشرا، بە کۆی گشتی ٤ ملیۆن دانە دەکات. تا مانگی شوباتی ٢٠١٣ نزیکەی ٤٫٥ ملیۆن دانە لەم یارییە فرۆشراوە و دواجار تا ٣٠ی تشرینی یەکەمی ٢٠١٤ ژمارەی نوسخەی ئەم یارییە کە فرۆشراوە گەیشتە ١٠ ملیۆن دانە. دوای سەرکەوتنی ئەم یارییە، لە ساڵی ٢٠١٤دا بەدواداچوونێکی بە ناوی فار کرای ٤ بڵاوکرایەوە.