شەڕی سەفین

لە ئینسایکڵۆپیدیای ئازادی ویکیپیدیاوە
Jump to navigation Jump to search
Balami - Tarikhnama - Battle of Siffin (cropped).jpg

شەڕی سەفین ئەم شەڕە لەدوای شەڕی جەمەل بەیەک ساڵ ولەساڵی ٣٧ی کۆچی لەشوێنێک بەناوی صفین کەدەکەوێتە کەناری ڕۆژئاوای رووباری فورات ڕویداو ھۆکارەکەشی بەھۆی کوشتنەکەی عوسمان کوڕی عەفانبوو کەماوەیەکی زۆر بەسەر کوشتنەکەیدا تێپەڕی بوو بکوژەکانیش سزا نەدرابوون بۆیە کۆمەڵێک لەمەکەوە کەدیارترینیان نوعمان کوڕی بەشیر بوو کراسەکەی عوسمانی ھەڵگرت کەبەخوێنەکەیەوە ھەڵگیرابوو پەنجەکانی نانلەشی پێدا ھەڵواسیبوو کەنانلە ئەو ژنەیە کەویستبووی دەستی ئەوانە بگرێت کەھاتبوون بۆ کوشتنی عوسمان کە شمشێرەکەیان دەگرێت وئەوانیش ڕای دەکێشن پەنجەکانی لێ دەبێتەوەو ئەوانیش ئەم پەنجانەیان تائەوکاتە ھەڵگرتبوو لەورۆژەدا بەکراسەکەی عوسمانیاندا ھەڵواسیبوو بردیان بۆ معاویە وئەویش لەسەر مینبەری مزگەوتەکەدا پێشانی نوێژکەرانی دەدات جەماوەرەکەی پێ دەوروژێنێت، عەلی کوڕی ئەبووتالیب لەوکاتەدا خەلیفەدەبێت وبڕیاردەدات معاویە لەسەر کارلابدات کەوالی شام بووە بەڵام موعاویە کوڕی ئەبووسوفیان بڕیارەکە ڕەت دەکاتەوە. لەم سەروبەندەدا معاویە وھەندێک لەلایەنگرانی ئەڵێن ئێمە بەیعەت بەوکەسە نادەین کەداڵدەی بکوژانی عوسمانی داوە وئەگەر ئەیەوێ ئێمە بەیعەتی بدەینێ دەبێ بکوژانی عوسمان سزابدات، عەلی کوڕی ئەبو تالیب ھەوڵی زۆری داوخەڵکێکی زۆری ناردە لای معاویە بەڵام معاویە وەڵامی عەلی ناداتەوە، تارۆژێک کەسێک دێتە لای عەلی ونوێنەری معاویە دەبێت بەعلی دەڵێ تۆ لەشەست ھەزار پیاوی ئاینیت نەپرسییەوە کەبەردەم کراسەکەی عوسماندا گریان لەدیمەشق، بەڵام عەلی وتی من لەبەرامبەر خوێنی عوسماندا بێ تاوانم وتێگەیشت کەمعاویە شەڕی دەوێت بۆیە داوای لەقەیسی کوڕی سەعد کردکە لە میسر ەوە خەڵک کۆبکاتەوە و ئەبوموسای ئەشعەری لە کوفە ئامادەسازی بکات وداوای لەعوسمانی کوڕی حەنیف کرد کە کار بۆ کۆکردنەوەی خەڵک بکات وبەرەو شام بەرێ کەوتن ومحمد کوڕی حەنەفی کرد سەرلەشکرو عەبدوڵا کوڕی عەباسی کردە سەرکردەی دەستە ڕاست وعومەر کوری ئەبو سەلمەشی کردە سەرکردەی دەستەچەپی لەشکرەکەی وبەرەو شام بەرێکەوتن، بەڵام کە معاویە ئەمە دەبیستێ ئەویش سوپاکەی بەرەو سفین دەبات ومەزەندە دەکرێت کەسوپاکەی عەلی کوڕی ئەبو تالیب ١٣٠ی ھەزار جەنگاوەر بوبن وسوپاکەی معاویەش ٨٠ ھەزار جەنگاوەر بوبن دوای چەند شەرێک لە نێوانیان معاویە ھەستی بەوەکرد کەبەرگەی سوپاکەی عەلی ناگرێت، بۆیە ھەستان بەھاندانی خەڵک بۆ ناوبژیوانی وعەلیش ڕازی بوو شەرەکە کۆتایی ھات وھەردوو سوپاکە گەرانەوە ناوچەکانی خۆیان ولەکۆتاییدا حەفتاھەزار کەس لەھەردوو لا کوژران، ٤٥ ھەزار لەسوپاکەی معاویە - ٢٥ ھەزاریش لەسوپاکەی عەلی.

ئەمانەش ببینە[دەستکاری]

شەڕی جەمەل

سەرچاوەکان[دەستکاری]