لە ئینسایکڵۆپیدیای ئازادی ویکیپیدیاوە
شەش پەرتووکی فەرموودە یان شەش پەرتووکەکە، زاراوەیەکە کە لەلایەن زانایانی سوننە بە شەش پەرتووکی فەرموودە دراوە. پێشتر پێنج بوون، بەڵام پاشان پەرتووکی محەممەدی کوڕی ماجەش ھاتە پاڵییەوە، و بە شەش پەرتووکەکە ناسرا، ئەوەش لەسەر دەستی محەممەد کوڕی تاھیر ئەلمەقدیسی (کۆچی دوایی لە ٥٠٧ کۆچی) بوو کە نووسەری پەرتووکی مەرجەکانی شەش ئیمامەکان بوو. حافز عەبدولغەنی ئەلمەقدیسیش (کە لە ساڵی ٦٠٠ی کۆچی کۆچی دوایی کرد)، ڕێچکەی ئەوی گرتەبەر، بۆیە لە پەرتووکەکەی بەناوی «کامڵبوون لە ناوەکانی پیاواندا» پیاوانی کوڕی ماجەی وەک یەکێک لە شەش کەسەکە دانا.
