شوعلە عەلی

لە ئینسایکڵۆپیدیای ئازادی ویکیپیدیاوە
شوعلە عەلی سەعید

لەدایکبوون٢٢ی شوباتی ١٩٥٥
گەڕەکی سەرشەقام، سلێمانی
مەرگ١٧ی ئازاری ٢٠١٧(٢٠١٧-٠٣-١٧) (٦٢ ساڵ ژیاوە)
شوێنی گۆڕگردی سەیوان، سلێمانی
نیشتەجێیسلێمانی
نەتەوەکورد
پەروەردەدەرچووی کۆلێژی کارگێڕی و ئابووری، زانکۆی سلێمانی
ئایینئیسلام
ھاوسەرنەوشیروان مستەفا
مناڵ(ەکان)نما، چیا، چرا


شوعلە عەلی سەعید (ماوەی ژیان: ٢٢ی شووباتی ١٩٥٥ - ١٧ی ئازاری ٢٠١٧) ھاوسەری نەوشیروان مستەفایە، لە گەڕەکی سەرشەقامی شاری سلێمانی لەدایکبووە، دەرچووی کۆلێژی کارگێڕی و ئابووریی زانکۆی سلێمانیە.

شوعلە عەلی خوشکی شەھید شوان و شێرکۆیە، کە لە خەباتی سیاسیی کوردانی باشوور شەھید بوون، شوان یەکەم سکرتێری یەکێتیی خوێندکارانی کوردستان و کادری کۆمەڵەی ڕەنجدەرانی کوردستان بووە و لەگوندی قازانقایە شەھید بووە، لەناو شاری سلێمانیش ڕژێمی بەعس شێرکۆی شەھید کرد.

شوعلە عەلی سەرجەم قۆناغەکانی خوێندنی لەشاری سلێمانی تەواو کردووە و دەرچووی کۆلێژی کارگێڕی و ئابووریی زانکۆی سلێمانیە.

ساڵی ١٩٧٧ پەیوەندی بەڕێکخستنەکانی کۆمەڵەی ڕەنجدەرانەوە دەکات، لەساڵی ١٩٨١دا و لە خڕی ناوەزەنگ، لەگەڵ نەوشیروان مستەفا ژیانی ھاوسەری پێکدەھێنن. خاوەنی ٢ کوڕ و کچێکە بەناوەکانی نما و چیا و چرا.

لە ١٧ی ئازاری ٢٠١٧، لە نەخۆشخانەیەکی شاری سلێمانی بەھۆی نەخۆشیەوە کۆچی دوایی دەکات و لە گردی سەیوان لە سلێمانی بەخاک دەسپێردرێت.

سەرچاوەکان[دەستکاری]