شتێفان باچوو
 | ئەم وتارە چەند کێشەیەکی ھەیە. تکایە یارمەتی باشترکردنی بدە یان ئەم کێشانە لەسەر پەڕەی لێدوانەکەی باس بکە. (فێربە کەی و چۆن ئەم داڕێژەیە لابەریت)
|
| شتێفان باچوو | |
|---|---|
| بە ڕۆمانی: Ștefan Baciu | |
 | |
| لەدایکبوون | ٢٩ی تشرینی یەکەمی ١٩١٨ براشۆڤ، ڕۆمانیا |
| مردن | ٦ی کانوونی دووەمی ١٩٩٣ (٧٤ ساڵ ژیاوە) ھۆنۆلولو، ویلایەتە یەکگرتووەکانی ئەمریکا |
| ناوی کاتی لەدایکبوون | Ștefan Aurel Baciu |
| شوێنی ناشتن | گۆڕستانی ماکیکی |
| ھاوسەر | میرا سیمیان |
| زمانەکانی ئاخاوتن | زمانی ئیسپانی، زمانی ئەڵمانی، زمانی پورتوگالی، زمانی ڕۆمانیایی |
| زمانی نووسین | زمانی پورتوگالی، زمانی ڕۆمانیایی، زمانی ئیسپانی |
| شوێنی کارکردن | زانکۆی سیاتڵ، زانکۆی ھاوای |
| پەروەردە | زانکۆی بوخارێست |
| دانیشتووی | بەڕازیل، ھۆنۆلولو، بێرن، سیاتڵ |
| دەستپێکی چالاکی | ١٩٣٥ |
| ئەندامی حیزبی | پارتی سۆسیال دیموکراتی ڕۆمانیا |
شتێفان ئۆرێل باچوو (بە ئینگلیزی: Štefan Aurel Bacciu) (٢٩ی تشرینی یەکەمی ١٩١٨ – ٦ی کانوونی دووەمی ١٩٩٣) شاعیر و ڕۆماننووس و بانگەشەکار و ئەکادیمی ڕۆمانی-بەڕازیلی بووە کە دوا تەمەنی ژیانی لە ھاوایی ژیاوە. نووسەرێکی گەنجی پێشوەختە بووە و لە ڕۆمانیا لە نێوان جەنگی جیھانی یەکەم و دووەم خەڵاتی بەدەستھێناوە و ھاوبەشی سەرنووسەری چەندین گۆڤاری ئەدەبی بووە. بەھۆی ئەوەی کە سیاسەتی دیموکراتیی چەپ و پارتی سۆسیال دیموکرات سەرنجی ڕاکێشا، لەکاتی کارکردن بۆ چاپەمەنی فاشیستی لەژێر دەسەڵاتی ڕژێمە دیکتاتۆرەکاندا، بۆچوونەکانی خۆی خۆدزییەوە، بەڵام لە ساڵی ١٩٤٤ گەڕایەوە بۆ بەڕێوەبردنی ڕۆژنامەی لیبرتاسیای پی ئێس دی ئاڕ. دوای ئەوەی بە چاوی خۆی شایەتحاڵی دەستبەسەرداگرتنی وردە وردەی کۆمۆنیستەکان بوو، باچوو توانی خۆی بۆ پۆستێکی دیپلۆماسی لە سویسرا دامەزرێنێت، دواجار لە ساڵی ١٩٤٨دا وازی لە پۆستەکەی ھێنا. دانیشتووی بەڕازیل و پاشان ھاووڵاتی بەڕازیل بوو، بە ھەموو ئەمریکای لاتین گەشتی کردووە، بەرھەمەکانی بە زمانەکانی پورتوگالی، ئیسپانی، ئینگلیزی و ئەڵمانی نووسیوە، جگە لە زمانی ڕۆمانی زێدی خۆی.
لە ڕێگەی بەشداریکردنی لە کۆنگرەی ئازادی کولتووری و ھاوڕێیەتی لەگەڵ سۆسیالیستەکانی وەک خوان بۆش، دژی کۆمۆنیزمی ئەمریکای باشوور قسەی کرد و ڕەخنەی لە فیدڵ کاسترۆ گرت. دواجار ڕووی لە ئەمریکا کرد، وەک مامۆستا لە زانکۆی واشنتۆن، و لە ساڵی ١٩٦٤ەوە، لە زانکۆی ھاوایی. گۆڤاری نێونەتەوەیی مایڵی بڵاوکردەوە، کە سەرەڕای چاپی سەرەتایی و تیراژی سنووردار، بەڵام وەک سەرچاوەیەکی دیار بۆ زانیاری لەسەر نووسەرانی ئاڤانگارد لە ڕەوەندی ڕۆمانیا، لە ئەندرێی کۆدریسکۆوە تا دۆلفی ترۆست و سیستۆ بالز. ھەروەھا باچوو مێژوونووس و ئەنتۆلۆژیستێکی دیاری سووریالیزمی ئەمریکای باشوور و ناوەڕاست بووە، ھەروەھا وەرگێڕی ئەدەبیاتی ئەمریکای لاتین بووە بۆ زمانەکانی ڕۆمانی و ئەڵمانی.
سەرچاوەکان
[دەستکاری]
