سەید محەممەد سەفایی

لە ئینسایکڵۆپیدیای ئازادی ویکیپیدیاوە
Jump to navigation Jump to search

ھونەرمەند محەمەد ئەحمەدی ناسراو بە “سەیدمحەمەدسەفایی “ساڵی ١٣١١ ھەتاوی لە گوندی بڵووز ی سەفاخانەی ناوچەی ھەوشار لە دایک بووە نەخوێندەوار بووە و لە ژیانی دا سێ ژنی ھێناوە ماوەی چوار ساڵ لە باشووری کوردستان ژیاوە کە لەگەڵ ھونەرمەندحەسەن زیرەک پێکەوە لە خانوویەکدا کرێنشین بوون، لە شاری تیکاب و ساینقەڵا و بۆکان و لە شاری سەقز ژیاوە کە ئیستەیش بنەماڵەکەی لە شاری سەقز نیشتەجێن.

ھونەرمەند سەیدمحەمەدسەفایی گەلێ گۆرانی لە کۆڕ و کۆبوونەوەکان و نێو ماڵ و دیوەخانەکانی ناوچەکانی ھەوەتوو و تیلەکۆ و ھەوشار تۆمار کرد کە لە شایی گۆڤەندان و بۆنە و موناسبەتە مللیەکاندا ھەموو جارێ بە کەڵک وەرگرتن لە گۆرانییەکانی سەیدمحەمەد یاد و بیرەوەری رێز دەگرن، سەیدمحەمەد لەگەڵ گۆرانییەکانیدا بەردەوام فولکلۆر و داب و نەریتە کۆمەڵایەتیەکانی ناوچەکەی خۆیشی بەتایبەت لە بواری جلوبەرگ و زاراوەی ھەر واپاراستوە و شەستەوشەقامە وشکارۆکانی شار و شارستانیەتی نەیتوانی سۆرانی سپی و شاڵی سەوزو رەشتیەکەی پێ بگۆڕێت.

گۆرانییەکانی سەیدمحەمەد سەفایی زۆربەیان فولکلۆرن و لە زیندووراگرتنی بەرھەمی فولکلۆری گۆرانی کوردیدا دەستێکی باڵای ھەبووە. ھەتا بە ئێستە بە نەشەترین و بەزمیترین گۆرانی بێژی ناوچەکە بووە کە ئەو بەرھەمە تۆمارکراوانەی کە ئێستە لە بەردەست دایە نموونەی زیندووی ئەو کەیفخۆشی و بەشارەتەی نێو فەزای گۆرانییەکانی ئەو ھونەرمەندەن. سەید محەمەد زۆرتر ھەر بە ئامێری دەفەکەی خۆی گۆرانییەکانی رازاوەتر دەکرد چەندجارێکیش لە گەڵ ھونەرمەندان ڕەشید فەیزنژاد، رەسووڵ میرزاپوور، فەردین تاھیری، عەلی عابدی و عوسمانە سوور گۆرانییان تۆمار کردووە….. بەداخەوە ئەم ھونەرمەندەی دەڤەری سەقز ساڵی ١٣٧٣ ھەتاوی نەخۆشی شێرپەنجەی پیا ئەپێچێ و لە رێکەوتی ٨/٩/١٣٧٤ ھەتاوی کۆچی دوایی کرد و لە شاری سەقز لە گۆڕستانی شاناز لە نێو خەم و پەژارەی کەسوکاری و شەیدایانی گۆرانییەکانی سەیدمحەمەدسەفایی ئەسپەردەی خاک کرا.

سەرچاوەکان[دەستکاری]