سەمیع

لە ئینسایکڵۆپیدیای ئازادی ویکیپیدیاوە
Jump to navigation Jump to search
عەبدوسسەمیع سلێمان ئیبراهیم
لەدایکبوون١٨٤٨ز - ١٢٦٤ی کۆچی
واژە، شارباژێر، کوردستانی باشوور
مەرگ١٨٨٩ز - ١٣٠٧ی کۆچی
شارۆچکەی بەحرە, سعودیە
نەتەوەکورد
پیشەشاعیر ، مامۆستای ئایینی
شاربانە
ئایینئیسلام
منداڵەکانتاهیر ، عەبدوڵڵا ، حەبیبە و پیرۆز

ناوی عەبدوسسەمیعی کوڕی سەید سلێمانی کوڕی سەید برایمە، لە ساڵی ١٨٤٨ز بەرامبەر بە ١٢٦٤ی کۆچیدا لە ناوچەی سیوەیل لە ڕۆژئاوای کوردستان لەدایکبووە.[١] لە دوای تەواوکردنی خوێندنی ئایینی ھاتووە بۆ دێھاتی ھەمزەڵان لە ناوچەی دەشتەتاڵی سەر بە شاری بانە و پێشنوێژی بۆ کردووە و وانەی ئایینی وتووتەوە.

لە دوای ساڵی ١٨٨٤ ڕووی کرۆتەوە بۆ دێھاتی ئەنجێنە توەڕەش ناسراو بە ئەنجێنە برایم و لە وێ ماوەتەوە. لە ئەنجێنە براییم پەیامێکی بەناوی عەقیدە بە شێوازی شیعری نووسیوە، ئەم پەیامە لەلایەن خواناسی بەناوبانگ حاجی کاکە ئەحمەی بەرزنجی خوێندراوەتەوە و دانی بە باشی و لە باری ئەم ریسالەیا ناوە. عەقیدە دەیان جار لە کوردستانی باشوور لە چاپ دراوە.[٢] شێخ سەمیع لە ئەنجێنە وەبەرەو دێهاتی بەلوە ڕۆشتووە، لە دوای ماوەیەک لە دێهاتی بنەخوێ وەک مامۆستای ئایینی جێگیر بوە و و پێش نوێژی کردوە و وانەی دینی وتۆتەوە. لە ساڵی ١٨٨٩ دا لەسەر خەرجی یونس خان حاکمی بانە لە ڕێی عێراقەوە چووە بۆ سەفەری حەج. لە کاتی گەڕانەوەی دا لە شارۆچکەی بەحرەی سەر بە جەددە بەهۆی نەخۆشی وەبا کۆچی دوایی کردوە.

دوو کوڕ بەناوەکانی تاهیر و عەبدوڵڵا و دوو کچ بە ناوی حەبیبە و پیرۆز بەجێ ماوە .[٣]

بەشێک لە ریسالەی عەقیدە[دەستکاری]

عەقیدە ئاوا دەست پێ ئەکا : «ئەووەڵ ئیبتیدا بە ئیسمی ئەڵڵا / پەس حەمد و سەنا ئەلحەمدولیلا»

ئاواش تەواوی ئەکات : «سەمیع گونەهکار ئیلتەجا ئەکا / بۆ فاتیحایەک ئەو رەجا ئەکا» [٤]

پەراوێزەکان[دەستکاری]

  1. ^ (مێژووی ناودارانی کورد-بەرگی دووهەم/بابەشێخی مەردۆخ ڕۆحانی-وەرگێڕانی:ماجدی مەردۆخ ڕۆحانی-سنە -٢٠١١ز -لاپەڕەی ٤٨٦)
  2. ^ ( فارسی : جغرافیا و تاریخ بانه کردستان / محمد رئوف توکلی - انتشارات توکلی - تهران ١٣٨٧- لاپەڕەی ٢٠٤)
  3. ^ ( فارسی : جغرافیا و تاریخ بانه کردستان / محمد رئوف توکلی - انتشارات توکلی - تهران ١٣٨٧- لاپەڕەی ٢٠٤)
  4. ^ ( فارسی : جغرافیا و تاریخ بانه کردستان / محمد رئوف توکلی - انتشارات توکلی - تهران ١٣٨٧- لاپەڕەی ٢٠٤)