سەددام کامل

لە ئینسایکڵۆپیدیای ئازادی ویکیپیدیاوە
Jump to navigation Jump to search
سەددام کامل مەجید
وردەکاریی تاکەکەسی
لەدایکبوون ١ی تەممووزی ١٩٦٠
تکریت، عێراق
مردن ٢٣ی شووباتی ١٩٩٦ (٣٥ ساڵ)
بەغدا، عێراق
حیزبی سیاسی حیزبی بەعس
ھاوسەر(ەکان) ڕەنا
ئایین سوننە، ئیسلام

سەددام کامل مەجید (لەدایکبووی ١ی تەممووزی ١٩٦٠ - مردووی ٢٣ی شووباتی ١٩٩٦) دووەم ئامۆزا و زاوای سەرۆکی پێشووی عێراق، سەددام حوسێن بوو.

ژیان[دەستکاری]

سەددام لەدایکبووی ١٩٦٠. ئەو لەگەڵ ڕەنای کچی سەددام حوسێن ھاوسەرگیری کرد.[١] ناوبراو ماوەیەک سەرۆکی گاردی کۆماری بوو.[١] لە ساڵی ١٩٨٦، لەسەر ئەو پۆستەی دوورخرایەوە لەسەر داوای قوسەی، کوڕی سەددام بەھۆی بوونی پەیوەندی و دۆستایەتی لەگەڵ سەرکردە عێراقییەکانی دیکە. سەددام کامل ڕۆڵێکی کورتی گێڕاوە لە فیلمی ڕۆژگارێکی درێژ (الأيام الطويلة‎)، کە فیلمێکی پڕووپاگەندەیی بوو لەسەر ژیانی سەددام بەرھەمھێنرابوو.

سەددام کامل و حوسێن کاملی برای لە ساڵی ١٩٩٦، لە ئەردەن گەڕانەوە بۆ عێراق، ئەمەش دوای ئەوەی پێیان گوترا کە لێخۆشبوونی بۆ دەرکراوە لەسەر گواستنەوەی زانیاری لەسەر چەکی کۆمەڵکووژیی بە دەزگا ھەواڵگرییەکانی ئەمریکا و بەریتانیا. دوای گەڕانەوەیان بۆ عێراق ئەوا ھەردووکیان کوژران.

سەرچاوەکان[دەستکاری]