سەحیحی بوخاری

سەحیح بوخاری

نووسەر	محەممەد کوڕی ئیسماعیل بوخاری
وڵات	بوخارا، ئوزبەکستان
زمان	عەرەبی
زنجیرەکان	شەش کتێبەکەی فەرموودە
بابەت	فەرموودە

سەحیحی بوخاری، (بە عەرەبی: صحیح البخاری) بە ڕاستترین کتێبی فەرموودە دادەنرێت لەلای ئیسلامی سوننە، ئەبووعەبدوڵڵا محەممەد کوری ئیسماعیل بوخاری کۆی کردۆتەوە، کە یەکەم کتێبی دانراوە لە فەرموودە سەحیحەکانی پێغەمبەری ئیسلامدا. و کۆی فەرموودەکانی کتێبەکە حەوت ھەزار و دوو سەد و حەفتا و پێنج فەرموودەیە بە دووبارە بووەکانەوە، بە بێ دووبارە بوونەوە چوار ھەزار فەرموودەی پێغەمبەر محەممەدە.

بوخاری ھەستاوە بە کۆکردنەوەی فەرموودەکان و لێکۆڵینەوە لە ڕاستی فەرموودەکان بەپێی ئەو بنەما فەرموودەییانەی داینا؛ و بە یەکەم کتێبی فەرموودە دادەنرێت لای سوننە و جێگەیەکی دیاری ھەیە لایان.

دانەرەکەی

سەحیحی بوخاری دانراوی بوخارییە کە خەڵکی بوخارایە لە ئاسیای ناوەڕاست، و تەمەنی شازدە ساڵ بوو کە دەستی کرد بە نووسینی سەحیحەکەی و تەواوی کرد لە تەمەنی سی و ھەشت ساڵیدا یان لە نزیکەی ساڵی ٢٣٢کۆچی، بوخاری لە دایکبووە لە ساڵی ١٩٤کۆچی و کۆچی دوایی کردوە ساڵی ٢٥٦کۆچی.

ھۆ و ماوەی دانانی

بوخاری ئەڵێت؛ لەلای ئیسحاق کوڕی ڕاھویە بووم، وتی؛ ئەگەر کتێبێی کورتتان کۆبکردایەتەوە لەسەر سوننەتە ڕاستەکانی پێغەمبەر، دەڵێت ئەمە کەوتە دڵمەوە.

ھەروەھا دەربارەی دانانەکەی دەڵێت؛ بە ماوەی شازدە ساڵ دام ناوە، و لە کۆی شەسەد ھەزار فەرموودە ھەڵم بژاردووە.

ژمارەی فەرموودەکان

ژمارەی فەرموودەکانی سەحیحی بوخاری بە دووبارە بووەکانەوە ٧٥٩٣ فەرموودەیە بەپێی ھەژماری محەممەد فوئاد عەبدولباقی، و ئیبن حەجەر عەسقەلانی ژمارەی فەرموودەکان بە ٧٣٩٧ فەرموودە دەبینێت، و ژمارەی فەرموودەکانی سەحیحی بوخاری بێ دووبارەبوونەوە نزیکەی چوار ھەزار فەرمودەیە.

سەرچاوەکان

• سایتی ئیسلام وێب