ستۆدیۆکانی واڵت دیزنی بۆ کات بەسەربردنی ماڵەوە

لە ئینسایکڵۆپیدیای ئازادی ویکیپیدیاوە
Walt Disney Studios Home Entertainment logo.svg.png

ستۆدیۆکانی واڵت دیزنی بۆ کات بەسەربردنی ماڵەوە[١] (بە ئینگلیزی: Walt Disney Studios Home Entertainment) بەشێکی کۆمپانیای واڵت دیزنییە کە ڤیدیۆی فیلمەکان دابەش دەکات کە لە ماڵەوە نمایش دەکرێن. دیزنی لە ساڵی ١٩٧٨ دەستی بە دابەشکردنی ڤیدیۆ کرد لە ژێر ناوی خۆیدا لە ژێر ناوی واڵت دیزنی ھۆم ڤیدیۆ.[٢] کۆمپانیاکە دی ڤی دی و دیسکی بلو ڕای لە ژێر ناوی واڵت دیزنی پیکچەرز، تەچستۆن پیکچەرز و ھۆلیوود پیکچەرز ھۆم ئینتەرتەینمەنت دابەش دەکات. فیلمەکانی بە مارکەی دیزنی لە ژێر ناوی مارکەی دیزنی دیڤیدی بڵاودەکاتەوە. دیزنی لە ساڵی ١٩٩٧ دەستی بە بڵاوکردنەوەی ناونیشانەکانی کرد لەسەر دی ڤی دی، ھەرچەندە تا ساڵی ٢٠٠٠ بەم فۆرماتە لە بەریتانیا بڵاونەکرایەوە، لە ساڵی ٢٠٠٦دا ڤیدیۆ بڵاوکراوەکانی بە شێوەی ڤی ئێچ ئێس ڕاگرت، لە ھەمان ساڵدا دەستیان کرد بە بڵاوکردنەوەی فیلمەکان لەسەر دیسکی بلوڕەی، لە ژێر ئەو براندەدا ناوی دیزنی بلوڕەی.[٣]

کۆکراوەکانی واڵت دیزنی کلاسیکی زێڕین[دەستکاری]

کۆمەڵەی کلاسیکی زێڕینی واڵت دیزنی ھێڵێکە لە ڤیدیۆ و دیڤیدی کە لەلایەن کۆمپانیای واڵت دیزنی بڵاوکرایەوە کە لە ساڵی ٢٠٠٠ تا ٢٠٠١ بەردەوام بوو، ئەو کۆمەڵەیەی پێش ئەوەی بڵاوکرایەوە کۆمەڵەی شاکارەکانی واڵت دیزنی بوو. ھەموو ئەو ناونیشانانەی کە بڵاوکراونەتەوە بە ھەردوو جۆری ڤی ئێچ ئێس و دی ڤی دی بڵاوکراونەتەوە جگە لە ئەنیمەیشنی چیرۆکی کایەکلێ کە تەنھا لەسەر ڤی ئێچ ئێس بڵاوکرایەوە. ھەروەھا تاکە ناونیشان بوو لە کۆمەڵەی کلاسیکی زێڕی واڵت دیزنی کە ناساندنی کۆمپانیای واڵت دیزنی ھەبوو.[٤]

سەرچاوەکان[دەستکاری]