ساندۆر کۆچیس

لە ئینسایکڵۆپیدیای ئازادی ویکیپیدیاوە
Jump to navigation Jump to search

ساندۆر کۆتشیس پیتەر (ماوەی ژیان: ٢١ی ئەیلوولی ١٩٢٩ لە هەنگاریا تاکوو ٢٢ی تەممووزی ١٩٧٩ لە ئیسپانیا)، یاریزانێکی توپی پێی ھەنگاری بووە و باشترین یاریزانی تۆپی پێی بووە لە ساڵانی پەنجاکاندا، گۆڵکاری جامی جیھانی تۆپی پێی ساڵی ١٩٥٤ بووە و ١١ گۆڵی تۆمارکردووە. ، لە ساڵی ١٩٤٣ بۆ ١٩٤٤ لەگەڵ یانەی کۆبانیای یاری کردووە، بۆ وەرزی داھاتوو ڕۆشتووە بۆ یانەی فیرینکفارکۆش و بۆ ماوەی ٥ وەرز لەگەڵیانا یاری کردووە، ساڵی ١٩٥٠ ڕۆشتووە بۆ یانەی ئیدۆسز، ھەر لەھەمان ساڵ ڕۆشتووە بۆ یانەی ھۆنفید و تاساڵی ١٩٥٧ یاری بۆیان کردووە، دواتر ڕۆشتووە بۆ یانەی یۆنگ فیلۆس زیورخ. دوای ھەڵگیرسانی شۆڕشی مەجەڕی لە ساڵی ١٩٥٦ کۆتشیس وەکو ھەموو ھاوڕێکانی دیکەی ڕۆشتووە بۆ ئیسپانیا و چۆتە نێو یانەی بارسێلۆنا ئیسپانیەوە و لە ساڵی ١٩٥٨ وە تاکو ساڵی ١٩٦٥ یاری بۆ ئەو یانەیە کردووە و لەو ماوەیەدا بەشداری لە ٧٥ یاری کردووە و ٤٢ گۆڵی تۆمار کردووە، لە ساڵی ١٩٦١ بەکرێدراوە بە یانەی ڤالەنسیای ئیسپانی. ساندۆر کۆتشیس لەگەڵ ھەڵبژاردەی ھەنگاریا بەشداری لە ٦٨ یاری کردووە و ٧٥ گۆڵی نێودەوڵەتی تۆمارکردووە و ھەڵبژاردەکەیان لە ساڵی ١٩٥٢ میدالیای ئۆڵمپی بردۆتەوە، ھەروەھا لەیاری تۆپی پێی جامی جیھانی ساڵی ١٩٥٤ پلەی دووەمیان بەدەستھێناوە. ساندۆر کۆتشیس بیتەری یاریزانی توپی پێی ھەنگاری و باشترین یاریزانی تۆپی پێ لە ساڵانی پەنجاکاندا لە ٢٢ ی تەمموزی ساڵی ١٩٧٩ لە ئیسپانیا کۆچی دوایی کردووە.

سەرچاوە[دەستکاری]