دەسەڵاتدارێتیی کاروباری نێوخۆیی گەل

دەسەڵاتدارێتی کاروباری ناوخۆیی گەل (بە ڕووسی: Народный комиссариат внутренних дел - Narodny Commissariat Vonotrinikh del) و لە سەرانسەری جیھاندا بە کورتکراوەی (لاتینی: NKVD) دامەزراوەیەکی سۆڤیەت بوو کە چالاکییەکانی پۆلیس و پۆلیسی نھێنی تێکەڵ دەکرد کاریان لەسەر جێبەجێکردنی ڕاستەوخۆی کارگێڕی ڕامیاری سۆڤیەت دەکرد، لەنێویاندا سەرکوتی ڕامیاری لە سەردەمی جۆزێف ستالین.^[١]

دەسەڵاتدارێتی کاروباری ناوخۆیی گەل دەزگا ئاسایییەکانی پۆلیسی یەکێتیی سۆڤیەتی لەخۆگرتبوو (لەوانەش پۆلیسی ھاتوچۆ، تیمەکانی ئاگرکوژێنەوە، پاسەوانی سنوور)، بەڵام بەناوبانگە بە چالاکییەکانی گولاگ و بەڕێوەبەرایەتی سەرەکی ئاسایشی نیشتمانی ئۆردوگاکانی کاری نا ئازاد ھەروەھا لەباربردنی بەرخۆدانی ناوخۆیی، و ئاوارەکردنی بەکۆمەڵی تەواوی ڕەگەزەکان و کۆمەڵێک کولەک بۆ شوێنە بێ دانیشتووەکان لە سنوورەکانی وڵات، و پاسەوانی سنوورەکان و ئەنجامدانی چالاکیی سیخوڕی و تیرۆری ڕامیاری لە دەرەوەی سنوورەکانی یەکێتیی سۆڤیەت، ھەروەھا کاریگەری لەسەر ڕامیاری ناوخۆیی وڵاتانی دیکە و دامەزراندنی بنەماکانی ستالینیزم لە بزووتنەوە کۆمۆنیستەکانی ئەم وڵاتانەدا.