دەروازە:کەنەدا/دەڤەر و شارەکانی کەنەدا
دەڤەر و شارەکانی کەنەدا ١
دەروازە:کەنەدا/دەڤەر و شارەکانی کەنەدا/١
ئێدمنتن (بە ئینگلیزی: Edmonton) پێنجەم گەورەترین شارەکانی کەنەدایە و پایتەختی ھەرێمی ئەلبێرتایە. ئەم ناوچەیە نەدۆزرابۆوە لەلایەن ئەوروپییەکانەوە تاوەکو نیوەی دووەمی سەدەی نۆزدەھەم ھۆکاری ناونانەکەی دەگەڕێتەوە بۆ ئێدمنتنی لۆندەنی ئینگلتەرا. ئێدمنتن شار نەبوو تاوەکو ١٩٠٤ کە ژمارەی ئەوسای تەنھا ٨٬٣٥٠ کەس بوو، لە ڕێکەوتی ١ ئەیلوولی ١٩٠٥ بووە پایتەختی ھەرێمی ئەلبێرتا، لەم ساڵانەی دوایی گەشەسەندنی مەزنی بەخۆوە بینی بەھۆی دۆزینەوەی نەوت بەپێی سەرژمێری ٢٠٠٦ دانیشتوانەکەی گەیشتۆتە ٨٣٦٬٣٧٢ کەس. زیاتر...
دەڤەر و شارەکانی کەنەدا ٢
دەروازە:کەنەدا/دەڤەر و شارەکانی کەنەدا/٢
دەریاچەی ئەنتاریۆ یەکێکە لە پێنج دەریاچە گەورەکانی ئەمەریکای باکور، کەوتۆتە باشوور و باشووری خۆراوای ھەرێمی ئەنتاریۆ لە کەنەدا، ھەروەھا لە خاڵی ھەرە باشوور و خۆڕھەڵاتی کەنەدایە کە دەروانێتە سنوورەکانی ولاتە یەکگرتوەکانی ئەمریکا لە ولایەتی نیویۆرک، کە سنووری نێودەولەتیان کەوتۆتە ئاوەکانی ناوەڕاست دەریاچەکە، قەرەباڵغترین ھەرێمی کەنەدا بەناوی ئەم دەریاچەوە کراوە کە ھەرێمی ئەنتاریۆیە، شارە ھەرە گەورەکانی ئەنتاریۆ کەوتونەتە سەر دەریاچەکە وەک شارەکانی تۆرەنتۆ و ھاملتن، ناوی دەریاچەکە لە زمانی ھەرن خوازراوە کە بەواتای «دەریاچەی گەورە» دێت، ئاوی سەرەکی دەریاچەکە لە دەریاچەی ئێرییەوە دێت لە ڕێگای دەروازەی نەیاگرا فۆلس (تاڤگەکانی نەیاگرا) ەوە دێت ھەروەھا لە ڕێگای نۆکەندی سانت لۆرانسەوە ئاوەکەی دەڕژێتە زەریای ئەتلەسی، دەریاچەکە لە ڕێزبەندی دوایین پێنج دەریاچە گەورەکەی ئەمەریکای باکورە وە لەنێوان پێنج دەریاچەگەورەکان تاکە دەریاچەیە کە سنوری ھاوبەشی نییە لەگەڵ ولایەتی میشیگنی ئەمریکا.
دەڤەر و شارەکانی کەنەدا ٣
دەروازە:کەنەدا/دەڤەر و شارەکانی کەنەدا/٣
ئەلبێرتا (بە ئینگلیزی: Alberta) ھەرێمێکە لە کەنەدا، سەرەتا لەساڵی ١٨٨١بە زەویەکانی خۆرئاوای باکور دەناسرا، کە نیوەی بەشی باکوری کەنەدای لەخۆ دەگرت، لەساڵی ١٩٠٥تەواوی بەشی باکوری خستراسەر، دواتر کرا بە بەشێک لەھەرێمە یەکگرتوەکانی کەنەدا، ڕووبەرەکەی(٦٦١٬١٨٨) کیلۆمەتری چوارگۆشەیە، ژماڕەی دانیشتوانی نزیکەی ٤١میلیۆن کەس دەبێت، لەگرنگترین شارەکانی ئەم ھەرێمە شاری کالگاری یە، ھەروەھا پایتەختی ھەرێمەکە شاری ئیدمۆنتۆنە، کە کۆگای ھەرەمەزنی نەوتی کەنەدایە. زیاتر...
دەڤەر و شارەکانی کەنەدا ٤
دەروازە:کەنەدا/دەڤەر و شارەکانی کەنەدا/٤
ئاودڕی ھەدسن (بە فەڕانسەیی: baie d'Hudson) یەکێک لە گەورەترین ئاودڕەکانی جیھان و ھەروەھا چوارەمین زەریای گەورەی جیھانە بە ڕووبەری ٨١٩،٠٠٠ کم٢ کە لە باکووری ڕۆژھەڵاتی کەنەداوە ھەڵکەوتووە. ئەم ئاودڕە لە باکوور و ڕۆژاواوە بە ویلایەتی نوناڤوت، لە باشوورەوە بە ویلایەتەکانی مانیتۆبا و ئۆنتاریۆ و لە ڕۆژھەڵاتەوە بە ویلایەتی کێبێک دەوەرەی گیراوە. لە ڕیگای تەنگەڵانی ھەدسن لە باشووری ڕۆژھەڵاتەوە ئوقیانووسی ئاتلانتیک و لە ڕیگای کانالی فۆکسیش لە باکوورەوە ئوقیانووسی ئارکتیک دەگرێتەوە. ئەم ئاودڕە بە ناوی ھێنری ھەدسن دۆزەرەوەی خەڵکی ئینگلیز کراوە کە لە ساڵی ١٦١٠ ئەم ئاودڕەی دۆزییەوە. زیاتر...
دەڤەر و شارەکانی کەنەدا ٥
دەروازە:کەنەدا/دەڤەر و شارەکانی کەنەدا/٥
گۆڕەپانی یانگ - دەنداس (بە ئینگلیزی: Yonge - Dundas) گۆڕەپانێکی گشتییە لە خاڵی یەکتربڕینی شەقامی یانگ و شەقامی دەنداس لەبەشی خوارەوەی بە لای خۆڕھەڵاتی شەقامی یانگ کەوتۆتە ناوشاری تۆرەنتۆ لەبەشی خۆڕھەڵاتی داون تاون، ئەم گۆڕەپانە لەلایەن Brown and Storey Architects نەخشەی بۆ داڕێژراوە لە ١٩٩٧ لە ساڵی ٢٠٠٢ تاوەکو ئەمڕۆ پێشوازی لە ھەزاران ڤیستیڤال و بۆنە جۆربەجۆرەکان کردوە چورگۆشەیەکی سەرنج ڕاکێشی گەشتیارانە و ڕۆژانە دەیان چالاکی جۆربەجۆری لێ ئەنجام دەدرێت، ئێستا بۆتە ھێما و دروشمی تۆرەنتۆ کە بەھۆیەوە ملیۆنان گەشتیار ڕادەکێشێت جگە لەوەی ناوجەرگەی شارە و مەڵبەندێکی گرنگی ئابوری وبازاڕ کردنە. لەلایەن شارەوانییەوە خاوەندارییەتی دەکرێت و تاکە گۆڕەپانی کەنەدایە کە لەلایەن ھەردوو کەرتی تایبەت و گشتییەوە بەڕێوە دەبردرێت، بە قەرەباڵغترین چوارگۆشە دادەنرێت لەسەرانسەری ھەموو کەنەدا کە ڕۆژانە پتر لە ١٠٠٬٠٠٠ کەس سەردانی دەکات. زیاتر...
دەڤەر و شارەکانی کەنەدا ٦
دەروازە:کەنەدا/دەڤەر و شارەکانی کەنەدا/٦
کوێستان و باغی نیشتمانی کلوێن (بە ئینگلیزی: Kluane National Park and Reserve) کوێستانەکانی باکوری خۆڕئاوای کەنەدایە، کەوتۆتە ھەرێمی یووکان، تێکەڵ بە سنوورەکانی ئەلاسکا، لە ١٩٧٢ دامەزراوە، ڕووبەرەکەی ٢٢،٠١٣ کیلۆمەتری چوارگۆشەیە. کوێستانەکە بڵندترین لوتکە چیای کەنەدای تێدایە کە بەرزیەکەی ٥،٩٥٩ مەتر بەرزە لەئاستی ڕووی دەریاوە بەناوی لوتکەی مۆگان، ھەروەھا لوتکە چیاکانی سەینت ئیلیاس و گلەیشەرس کەوتونەتە ئەم کوێستانەوە، دارستان و کەژ و دۆڵ و تاڤگە و ڕووبای زۆڕی تێدایە ناوچەیەکی سروشتی دڵڕفێنە. زیاتر...
دەڤەر و شارەکانی کەنەدا ٧
دەروازە:کەنەدا/دەڤەر و شارەکانی کەنەدا/٧ نوونڤووت(بە ئینگلیزی: Nunavut، بە ئینوکتیتوت: ᓄᓇᕗᑦ) (گۆکردن: ˈnu:nəvʊt) نوێترین و گەورەترین ھەرێمی کەنەدایە لە ١ی نیسانی ١٩٩٩ سەربەخۆیی خۆی لە ھەرێمی باکووری خۆرئاوا وەرگرت و وەک ھەرێمێکی سەربەخۆ ناسێنرا. زیاتر...
دەڤەر و شارەکانی کەنەدا ٨
دەروازە:کەنەدا/دەڤەر و شارەکانی کەنەدا/٨ ھەرێمی نیو برانزویک بە ئینگلیزی: New Brunswick ھەرێمێکە لە کەنەدا، پایتەختەکەی شاری فریدرێکتنە و شاری سانت جۆن چڕترین ناوچەی دانیشتوانی ھەرێمەکەیە، تاکە ھەرێمی کەنەدایە کە ھەردوو زمانی ئینگلیزی و فەڕەنسی تێیدا فەرمیە بەپێی دەستور. بۆ یەکەم جار ساموێل دوو شامبەڵان ئەم ھەرێمەی دۆزیەوە لە ١٦٠٤ دواتر کەوتە ژێڕدەستی ئینگلیزەکان لە ١٧٦٣ لەساڵی ١٧٨٤لەھەرێمی نۆڤاسکۆشیا جیابویەوە و بوو بە ئەندام لە یەکێتی کەنەدی، ڕووبەرەکەی ٧٣٬٠٠٠کم چوارگۆشەیە ژماڕەی دانیشتوانی یەک میلیۆن کەسە کە لە ٪٥٨بەڕەگەز ئینگلیزن و بە ٪٣٧بە ڕەگەز فەڕەنسین، گرنگترین شارەکانی سانت جۆن و مۆنکتن. زیاتر...
دەڤەر و شارەکانی کەنەدا ٩
دەروازە:کەنەدا/دەڤەر و شارەکانی کەنەدا/٩ کەنداوی فەندی کەوتۆتە کەناراوەکانی خۆڕھەڵاتی کیشوەری ئەمەریکای باکوور کە دەڕوانێتە زەریای ئەتلەسی، کەوتۆتە نێوان ھەرێمەکانی نۆڤاسکۆشیا و نیو برانزویک لە کەنەدا ھەروەھا لەبەری باشووری کەنداوەکە ھەرێمی مینی ئەمریکی ھەڵکەوتووە. ھەندێک لەسەرچاوەکان ئاماژە بەوە دەکەن کە ناوی فەندی لە ناوی "Fendu" خوازرایە کە وشەیەکی فەڕەنسییە، بۆچوونی تر ھەیە کە دەڵێ بنچینەی وشەکە پورتوگالییە، پێشتر ناوی(Baie Française)(کەنداوی فەڕەنسی) ئەمەش بەھۆی دۆزینەوەی لەلایەن سامۆیل شامپلیین کە گەریدەیەکی فەڕەنسی بوو لە ١٦٠٤ ئەم کەنداوەی دۆزییەوە. کەنداوەکە جێی بایەخی کەنەدایە و بەشێکە لە سروشت و ژینگەی کەنەدا. زیاتر...