دیلوالێ دولھانیا لێ جایانگێ

لە ئینسایکڵۆپیدیای ئازادی ویکیپیدیاوە
باز بدە بۆ: ڕێدۆزی، گەڕان
دیلوالێ دولھانیا لێ جایانگێ
Dilwale Dulhania Le Jayenge poster.jpg
پۆستەری فیلمی دیلوالێ دولھانیا لێ جایانگێ
دەرھێنان ئادیتیا چۆپرا
بەرھەمھێنان یاش چۆپرا
نووسین جاڤید سیوقی
(دیالۆگ)
ئادیتیا چۆپرا
(زۆرکردنی دیالۆگ)
شانۆنامە ئادیتیا چۆپرا
چیرۆک ئادیتیا چۆپرا
ئەکتەران شاروخ خان
کاجۆل
ئامریش پوری
فەریدە جەلال
ئانوپام خێر
مۆسیقا Jatin Lalit
وێنەگری سینەمایی Manmohan Singh
مۆنتاژ Keshav Naidu
کۆمپانیای
بەرھەمھێنەر
ماوەی فیلم ١٨٩ خولەک[١]
وڵات ھیندستان
زمان ھیندی
تێچوون ٦٣٠ هەزار دۆلاری ئەمریکی
داھات ١٩ ملیۆن دۆلاری ئەمریکی

دیلوالێ دولھانیا لێ جایانگێ (Dilwale Dulhania Le Jayenge بە کورتی DDLJ) (بەکوردی:پاڵەوانەکە (نەبەردەکە)، بووکەکەی برد) فیلمێکی ساڵی ١٩٩٥ی ھیندییە لەجۆری ڕۆمانسی و درامی. لە دەرھێنانی ئادیتیا چۆپرا (Aditya Chopra) و بەرھەمھێنانی یاش چۆپرا (Yash Chopra)یە. فیلمەکە لە نواندنی سەرەکی شاروخ خان و کاجۆلە. فیلمەکە یەکێکە لە سەرکەوتووترین فیلمەکانی ھیندستان بۆ ماوەی زۆرتر لە ١٠٠٠ حەوتە لەسەریەک بەردەوام لە سینەماکانی ھیند پەخشکراوە کەئەمەش ڕیکۆردێکی مێژووییە بۆ ئەو فیلمە. فیلمەکە ناوی لە کتێبی "ئەو ١٠٠١ فیلمەی پێش مردن دەبێت سەیری بکەیت" (1001Movies You Must See Before You Die). فیلمەکە ١٠ خەڵاتی فیلم فەیری بەدەستھێناوە. گۆرانییەکانی فیلمەکە پڕفرۆشترین گۆرانی بوون لەساڵانی ١٩٩٠ کە تاکوو ئێستاش لە هیندستان لەبۆنەی هاوسەرگیری لێدەدرێت.

چیڕۆکی فیلم[دەستکاری]

ڕاج مەلھۆترا (شارۆخ خان) و سیمران سینگ (کاجۆل) دوو کەسی دانیشتوونی لەندەنن و لەمیانی گەشتێک بەئەورووپادا لەگەڵ ھاوڕێکانییان یەکتر دەبینن و دەکەونە داوی خۆشەویستییەوە بەڵام بەر لەوە باوکی سیمران بە کچەکەی وتووە کە دەیدات بەشوو بەکوڕی ھاوڕێکەی لە گوجارات کەپێشتر ئەوە بەڵێنەیان لەنێوان بوو، ئەمەش سیمرانی دڵگران کردبوو کە شوو بەکەسێک دەکات لە ژیانیدا نەیدیتووە بۆیەش سیمران داوای لێدەکات بۆ ماوەی ١ مانگ لەگەڵ ھاوڕێکانی گەشتێک بە ئەورووپادا بکەن، دواتر ئەو ڕازی دەبێت بەو شووکردنە ناچارییە بەمەش باوکی ڕازی دەبێت، لەکاتی گەشتکردنەکەی سیمران لەگەڵ ھاوڕێ کچەکانی چاوی بە ڕاج مەلھۆترا و کوڕە ھاوڕێکانی ئەو دەکەوێت، لەوکاتەدا بۆ چەندین جار چاوییان بەیەک دەکەوێت و ھەردوو دەستە بۆ ھەمان مەبەست گەشتی ئەورووپا دەکەن. ڕۆژێک ڕاج و سیمران لە شەمەندەفەرەکە دوادەکەون ئەمەش وادەکات کاتێکی زۆر بەیەکەوە بن لەمیانی ئەوکاتەش پەیوەندی خۆشەویستی لەنێوانیان درووستدەبێت ئینجا کە کاتی گەشتەکە تەواو دەبێت دوو دەستەکە جیا دەبنەوە و سیمران دەچێتەوە ماڵەوە چیڕۆکی گەشتەکە بۆ دایکی دەگەڕێتەوە، و لەوکاتەدا باوکی سیمران گوێی لێدەبێت کە سیمران لەگەڵ کوڕێکی دی ئاشنایی پێکھێناوە بۆیە بەمە توڕە دەبێت و یەکسەر لە لەندەنەوە دەگەڕێنەوە ھیندستان و سیمرانیش بەمە خەمبار دەبێت، بەڵام نازانێت کە ڕاج ئەوی خۆشدەوێت یان نا بۆیە بەناچاری لەجاری یەکەم ڕازی دەبێت کە شووکردنەکە قبووڵبکات دوایی کە دەگەڕێنەوە ھیندستان بۆ ماڵی ھاوڕێکەی باوکی سیمران بەمەبەستی ڕێکخستنی ھاوسەرگیرییەکە ڕۆژێک ڕاج دێتە ئەو ماڵە و بەپیلانێک خۆی لەو ماڵە نزیک دەکاتەوە و بۆماوەیەکی درێژ لەو ماڵە دەمێنێتەوە بەمەش کاتی بۆ دەرەخسێت زۆرتر قسە لەگەڵ سیمراندا بکات و دواتر دایکی سیمران بۆی دەردەکەوێت کە ڕاج ئەو کەسەیە کە سیمرانی خۆشدەوێت بۆیە داوایان لێدەکات ڕابکەن بەڵام ڕاج ڕەتی دەکاتەوە بەبێ ڕەزامەندی باوکی سیمران ڕازی بێت بەو فڕاندنە. لەکۆتایی فیلمەکە باوکی سیمران بەو پەیوەندییە دەزانێت و ڕاج دەردەکات لەماڵی ھاوڕێکەی بەڵام ڕاج سووردەبێت کە ھەر دەبێت ئەو کچەکەی بداتێ لەکۆتایی فیلمەکە بەھۆی چەند قسەیەکی کاریگەر و دیمەنەکان باوکی سیمرانیش ڕازی دەبێت ئەوەش لەوکاتەیە کە ڕاج دەیەوێت بگەڕێتەوە لەندەن و سواری شەمەندەفەرەکە بووە، فیلمەکە بە ڕەزامەندی باوکی سیمران کۆتایی دێت کە بەتەواوی ھەست بەوەدەکات کە ڕاج دەتوانێت کچەکەی ئەو خۆشبەخت بکات و دوا دیمەنی فیلمەکە ڕاکردنی سیمرانە بۆ ناو شەمەندەفەرەکە واتە لەکۆتاییدا بە خۆشەویستییەکەی گەیشت.

بەشداربووان[دەستکاری]

  • شاروخ خان لە ڕۆڵی ڕاج مەلھۆترا
  • کاجۆل لە ڕۆڵی سیمران
  • ئەمریش پوری لە ڕۆڵی باوکی سیمران
  • فەریدە جەلال لە ڕۆڵی دایکی سیمران
  • ئانوپام خێر لە ڕۆڵی باوکی ڕاج
  • Pooja Ruparel لەڕۆڵی خوشکی سیمران
  • کاران جۆھەر ھاوڕێی ڕاج
  • Satish Shah ھاوڕێی باوکی سیمران لە ھیندستان
  • Parmeet Sethi کوڕی ھاوڕێی باوکی سیمران
  • Himani Shivpuri پووری سیمران
  • Anaita Shroff Adajania هاوڕێی سیمران
  • Achala Sachdev دایەگەورەی سیمران
  • Mandira Bedi کچی ئاجیت

بەرھەمھێنان[دەستکاری]

دەستنیشانکردنی ئەکتەرەکان[دەستکاری]

سەرەتا ئادیتیا چۆپرا کە دەرھێنەری فیلمەکە بوو بەنیاز بوو ئەکتەری ناسراوی ئەمریکی تۆم کرووز بەشداری پێبکات لە ڕۆڵی ڕاج بەمەبەستی کردنەوەی دەرگای بەشداریپێکردنی ئەکتەری ھۆلیوود لە فیلمە ھیندییەکان بەڵام باوکی ئادیتیا کە یاش چۆپڕایە کە بەرھەمھێنەری فیلمەکە بوو ڕازی نەبوو کە ھیچ ئەکتەرێکی بیانی لەو فیلمەدا بەشداری بکات چونکە ئەوە لە تایبەتمەندییەکانی ئەوە نایەوێت ئەکتەری دەرەکی بەشداربێت، لەئەنجامدا دوای ئەوەش دەرھێنەر ویستی شارۆخ خان بەشداری پێبکا بەڵام سەرەتا ئەو ڕازی نەبوو چونکە تا ئەو سەردەمە شارۆخ خان لە ڕۆڵی ڕۆمانسی ئەوندە سەرکەوتوو نەبوو بۆیە سەرەتا ڕەتی کردەوە دوایی بەناچاری دەرھێنەر پەیوەندی بە سەیف عەلی خانەوە کرد تاکوو بەشداری بکات لەو فیلە بەڵام ئەویش ڕەتی کردەوە تاکوو دواجار دەرھێنەر چەند دانیشتنێکی لەگەڵ شارۆخ خان بەست تاکوو ڕازیکرد، و بەڵێنی ئەوەی پێدا دوای ئەو فیلمە ناوبانگێکی باش پەیدا دەکات و پێشی ڕاگەیاند کە بۆ ئەوەی ببینە سوپەر ستار دەبێت ببیتە خەونی ھەموو کچێک وەک ھاوسەرێک و ببینە خەونی ھەموو دایکێک کە کوڕێکی وەک تۆی ھەبێت!! کاجۆلیش بۆ ئەو فیلمە زۆر زوو ڕازیبوو چونکە ئەزموونی ھەبوو لەگەڵ شارۆخ خان ئەویش لە فیلمەکانی Baazigar لە١٩٩٣ و Karan Arjun لە ١٩٩٥ بۆیە زوو ڕازیبوو...

گۆرانییەکان[دەستکاری]

لە فیلمەکە چەندین گۆرانی نایاب ھەیە ئەمەش خاڵێکی بەھێزی فیلمەکە بوو، بەتایبەت گۆرانی "Mehndi Laga Ke Rakhna" کە لە بۆنەی ژنھێنان لێدەدرێت و گۆرانییەکانی دیش ھەر لەو بۆنەیە لێدەدرێت بەتایبەت! تاکوو ئێستاش گۆرانییەکان لەو بۆنەیە لێدەدرێن.

سەرجەم گۆرانییەکان[دەستکاری]

  1. "Ghar Aaja Pardesi" لەلایەن Manpreet Kaur, Pamela Chopra ەوە وتراون
  2. "Ho Gaya Hai Tujhko" لەلایەن Lata Mangeshkar, Udit Narayan وتراوە
  3. "Mehndi Laga Ke Rakhna" لەلایەن Lata Mangeshkar, Udit Narayan وتراوە
  4. "Mere Khwabon Mein" لەلایەن Lata Mangeshkar وتراوە
  5. "Tujhe Dekha To" لەلایەن Lata Mangeshkar, Kumar Sanu وتراوە
  6. "Ruk Ja O Dil Deewane" لەلایەن Udit Narayan وتراوە
  7. "Zara Sa Jhoom Loon Main" لەلایەن Asha Bhosle, Abhijeet Bhattacharya وتراوە

بۆکس ئۆفیس[دەستکاری]

مێژووی مانەوە لە سینەماکان[دەستکاری]

لەساڵی ٢٠٠١ فیلمی دیلوالێ بەسەر فیلمی شوعلە (Sholay)ی ساڵی ١٩٧٥ کەوت چونکە ئەو فیلمە لەو ساڵە بۆ پێنجەمین ساڵ بەردەوام ھەموو حەوتەیەک لانی کەم لە سینەمایەکی ھیندستان بێوەستان پەخش کراوە بەتایبەت لە ھۆلێ (Minerva) کە ھەر پێنج ساڵەکە بەردەوام لەو ھۆڵە نمایشکرا، یەکێک لە ھۆکارەکانی ئەوەی ئەو فیلمە بەو جۆرە سەرکەوتوو بێت ئەوە بوو خەڵکی جۆرە یادگارییەکییان لەگەڵ ئەو فیلمە پەیداکردبوو بەتایبەت لەگەڵ دیالۆگ و گۆرانییەکان کە خەڵک ھەبوو زۆرتر لە ٥٠ جار ھاتبوو بۆ سینەما بۆ سەیرکردنی ئەو فیلمە، بەجۆرێک فیلمەکە تاکوو ئەو ساڵانەی پێشووش ھەر بەردەوام بوو لە نمایشکردن تاوای لێھات بینەری کەمتر دەبۆوە بۆیە سینەماکان ویستییان ڕایگرن تاکوو بەرھەمھێنەری فیلمەکە یاش چۆپرا لەڕێگەی سینەماکانی خۆیەوە وایکرد فیلمەکە ڕیکۆردەکە درێژ بکاتەوە بەجۆرێک ١٠٠٠ حەوتە لەسەر یەک نمایشکرا ئەمەش لەساڵی ٢٠١٤ بەدی ھات کە فیلمەکە گەیشتە ١٠٠٠ حەوتە لەسەر یەک لەوەتەی ١٩٩٥ بەبەردەوامی نمایش بکرێت و لە شووباتی ٢٠١٥ ژمارەی حەوتە نمایشکراوەکان گەیشتە ١٠٠٩ حەوتە لەسەریەک.

کاریگەری فیلمەکە[دەستکاری]

دیمەنەکان[دەستکاری]

دیمەنی شەمەندەفەرەکە دیمەنێکی کاریگەری فیلمەکە بوو و کاریگەری زۆری لەسەر بینەر و فیلمەکانی بۆلیوود ھەبوو بەجۆرێک دوای ئەو فیلمە چەندەھا فیلم ئەو دیمەنە دووبارە کرایەوە لەوانە Jab We Met لەساڵی ٢٠٠٧ و Bodyguard لەساڵی ٢٠١١ و Chalo Dilli ساڵی ٢٠١١ و Yeh Jawaani Hai Deewani لەساڵی ٢٠١٣ و Chennai Express لەساڵی ٢٠١٣ کەھەمان دیمەنییان دووبارە کردەوە، و لەساڵی ٢٠٠٨ فیلمی (Slumdog Millionaire) کە فیلمێکی ھیندی ئەمریکی دادەنرێت ئەویش ھەمان دیمەنی دووبارە کردەوە لەساڵی ٢٠٠٨یش لەفیلمی bachna ae haseeno بەشێکی فیلمەکە بەھەمان چیڕۆکە سەرەتاییەکانی فیلمەکە دووبارە کرایەوە.

خەڵات[دەستکاری]

فیلمەکە ١٠ خەڵاتی فیلم فێری وەرگرت لەوانە باشترین دەرھێنەر و بەرھەمھێنەر و ئەکتەر و خانمەئەکتەر و باشترین خانمەئەکتەری پاڵپشت و باشترین هۆنراوە و باشترین دیالۆگ ھتد.... و ئەوەی گرنگتر فیلمەکە ناوی ھات لە کتێبی ئەو ١٠٠١ فیلمەی کە دەبێت پێش مردنت سەیری بکەیت "1001 Movies You Must See Before You Die"

سەرچاوە[دەستکاری]

  1. ^ "Dilwale Dulhania Le Jayenge (PG)". British Board of Film Classification. وەرگیراوە لە 18 March 2015.