دایک (ڕۆمان)

دایک
دامەزران	١ی کانوونی دووەمی ١٨٩٠
سەرناو	МаTь
کاری وەرگیراو	The Mother
جۆر	ڕۆمان
چەشن	خەیاڵی سیاسی، خەیاڵی مێژوویی
دانەر	مەکسیم گۆرکی
ڕێکەوتی بڵاوکردنەوە	١ی کانوونی دووەمی ١٩٠٧
وڵاتی بنەڕەت	ئیمپراتۆریەتیی ڕووسی
زمان	زمانی ڕووسی
دۆخی چاپکردن	پاوانی گشتی، پاوانی گشتی
لە ویکیدراوە دەستکاریی زانیارییەکان بکە

دایک (بە ڕووسی: Мать) ڕۆمانێکی نووسەر مەکسیم گۆرکییە و باس لە ھەلومەرجی شۆڕشی بەلشەفیک دەکات بۆ دامەزراندن و بەھێزکردنی ئەو سیستمە سۆسیالیستییەی کە تێیدا کرێکاران یەکیان گرت و ماڵ و موڵکی بۆرژوازییەکانیان زەوت کرد. لە ساڵی ١٩٠٦ نووسراوە، بۆ یەکەمجار لە ساڵی ١٩٠٦ لە گۆڤاری ئەپڵتۆن بە زمانی ئینگلیزی بڵاوکراوەتەوە، دواتر لە ساڵی ١٩٠٧ بە زمانی ڕووسی، وەشانێکی ھەیە کە وەرگێڕدراوەتە سەر زمانی عەرەبی، لەلایەن دار ئەلتەنوویر بۆ چاپ و بڵاوکردنەوە و لە ساڵی ١٩٨٣ دەرچووە بە وەرگێڕانی «الأخوين فؤاد» و «سهيل أيوب»، و وەشانێکی کوردیشی ھەیە لەلایەن ناوەندی ڕۆشنبیری ئەدیبان لە ساڵی ٢٠٢٢ چاپکراوە لە وەرگێڕانی زاھیر محەممەد.

پاڵەوانی ئەم ڕۆمانە، بەپێی ناونیشانی ڕۆمانەکە، دایکێکە کە چلەکانی تەمەن تێپەڕ ناکات و بۆ کوڕەکەی تێدەکۆشێت، بەڵام دوای ئەوەی لە ئاوات و ئامانجەکانی تێگەیشت، وا دیار بوو کە دایکەکە بۆ ھەمووان خەبات دەکات، بەتایبەت ئەو کرێکارانەی کە لەو قۆناغەدا بەدەست نادادپەروەری چینی موڵکدارەوە دەناڵێنن کە خاوەنی ئامرازەکانی بەرھەمھێنان بوون.

ڕۆمانەکە بۆ زۆر زمان وەرگێڕدرا، و کرا بە کۆمەڵێک فیلم، و شانۆنووسی ئەڵمانی بێرتۆڵت برێخت و ھاوکارەکانی شانۆنامەی دایکیان ئەنجامدا لە ساڵی ١٩٣٢ کە لەسەر بنەمای ڕۆمانەکە وەریانگرتبوو.