داڕێژە:ئایا زانیوتە

ئایا زانیوتە[دەستکاری]

… کە ئۆتۆمۆبیلێکی ئاسایی لە ٣٠،٠٠٠ پارچەی بچووک و گەورە پێکدێت؟
… کە یەکەمین مانگی دەستکردی سازکراوی مرۆڤ ناوی سپوتنیک-١ (لە وێنەکەدا) بوو کە لە لایەن یەکێتیی سۆڤیەتەوە نێردرا بۆ بۆشایی؟
… کە دوورترین شتێک لە لایەن مرۆڤەوە سازکراوە ڤۆیجری یەکە کە لە ساڵی ٢٠١٣ەوە کۆمەڵەی خۆری بەجێھێشتووە؟
… کە یەکەمین فەرھەنگی کوردی فەرھەنگی نەوبەھارە کە لە ساڵی ١٦٨٣ی زایینی لە لایەن ئەحمەدی خانییەوە نووسراوە.
… کە لە ناوەڕاستەکانی سەدەی نۆزدەھەم، ئادۆڵف زیزینگ، دەروونناسێک کە زۆر ھۆگری بیرکاری و فەلسەفە بوو، توانی لە دەمارەکانی ناو گەڵای گیاکان و پەلکێشیی لقەکانیاندا ڕێژەی زێڕین بەدی بکا؟
… کە مەزندەی گۆڵدباخ یەکێک لە کۆنترین کێشەکانی بیرکارییە کە تا ئێستاش شی نەکراوەتەوە و نەسەلمێندراوە؟
… کە گەورەترین باخچەی ئاژەڵان لە شاری بەرلینی پایتەختی ئەڵمانیایە؟
… کە درێژترین شەقام لە جیھاندا بە ناوی شەقامی یانگ لە شاری تۆرۆنتۆ لە کەنەدا ھەڵکەوتووە؟
… کە ڕۆمانی جیھانی سۆفیا بووبە پڕفرۆشترین ڕۆمانی نەرویژ و لە ساڵی ١٩٩٤ خەڵاتی وێژەی لاوانی ئەڵمانی پێبەخشرا، بە ٥٣ زمان وەڕگێڕاوە و زیاتر لە سی میلیۆن کۆپی لێی چاپکراوە. وەرگێڕانە ئینگلیزییەکە لە ساڵی ١٩٩٥دا بڵاوکراوەتەوە و بووەتە پڕفرۆشترین کتێبی جیھان لەو ساڵەدا؟
… کە شاری نەشڤیل لە ویلایەتە یەکگرتووەکان بەھۆی ڕێژەی بەرچاوی دانیشتووانی کورد بە «کوردستانی بچووک» ناسراوە؟
… کە پاپا بێنێدیکتی شازدەیەم یەکەمین پاپایەک بووە دەستلەکارکێشانەوەی پێشکەش کرد؟
… کە بە پێچەوانەی جەنگی جیھانی یەکەم کە تەنیا ٥٪ی قوربانییەکان لە خەڵکی مەدەنی پێکدەھاتن، لە جەنگی جیھانی دووەم نزیکەی ٦٦٪ی قوربانییەکان خەڵکی مەدەنی بوون؟
… کە ڕێکیاڤیک، پایتەختی وڵاتی ئایسلەند باکووریترین پایتەختی جیھانە؟
… کە وێڵینگتن، پایتەختی وڵاتی نیوزیلاند باشووریترین پایتەختی جیھانە؟
… کە جۆ بایدن بەتەمەنترین سەرۆک کۆماری ویلایەتە یەکگرتووەکان بووە؟

… کە فرانکلین ڕۆزڤێڵت تەنیا کەسێک بووە بۆ چوار جاران لەسەر یەک ببێتە سەرۆک کۆماری ویلایەتە یەکگرتووەکان؟

… کە ھەتا پێش دەرکردنی ئێران لە کۆمیسیۆنی نەتەوە یەکگرتووەکان بۆ دۆخی ژنان لە ساڵی ٢٠٢٢، ھیچ وڵاتێک لەو کۆمیسیۆنە دەرنەکرابوو؟
… کە ناسرەدین شا چوارەمین پاشای بنەماڵەی قاجاڕ، ٨٣ گرێبەستی لەگەڵ وڵاتان بەست و لە ھەموواندا ئێران زیانی بینی؟
… کە ناسرەدین شا ١٨٣ ھاوسەری ھێنا و ئەو کاتەی کە کوژرا ٨٥ ھاوسەری ھەبوو؟
… کە عەبدوڵڵا ئۆجەلان، سەرۆکی پارتی کرێکارانی کوردستان و بیردۆزدانەری ژنۆلۆژی، دروشمی ژن، ژیان، ئازادی بە دژایەتیی دروشمی «سێکس، مەرگ، کۆیلەتی» وەسف کردووە؟
… کە ئازەریی کۆن زمانی مێژوییی ھەرێمی ئازەربایجان و زمانێک لە بنەماڵەی زمانە ھیند و ئێرانییەکانە و پەیوەندییەکی بە زمانی ئازەربایجانییەوە نییە؟
… کە دوای ئەوەی بەریتانیا پەیوەندییە دیپلۆماسییەکانی لەگەڵ ڕژێمی عیدی ئەمین، دیکتاتۆری سەربازیی ئووگاندا پچڕاند، ئەو گوتی کە بەریتانیای شکست داوە و بووەتە خاوەنی خاکی ئیمپراتۆریەتیی بەریتانی؟
… کە واشینگتن دی سی بەشێک لە سنووری ھیچ کام لە ویلایەتەکانی ویلایەتە یەکگرتووەکانی ئەمریکا نییە؟
… کە پردی چاناققەلعە ١٩١٥ درێژترین پردی ھەڵواسراوی جیھانە؟
… کە کازاخستان گەورەترین و ئیتیۆپیا پڕ دانیشتووترین دەوڵەتانی دەورەدراو لە جیھانن؟