دارولسەلام
| دارولسەلام | |
|---|---|
 | |
| دامەزران | ١ی کانوونی دووەمی ١٨٦٢ |
| ناو بە زمانی فەرمی | دَار السَّلَام |
| ناسناوی خەڵک | Salamite |
| زمانی فەرمی | زمانی سەواحیلی |
| وڵات | تانزانیا |
| پایتەختی | تانزانیا، Tanganyika Territory، Tanganyika، Dar es Salaam Region، German East Africa |
| دابەشکاریی کارگێڕی | Dar es Salaam Region |
| ناوچەی کاتی | UTC+03:00 |
| پۆتانی شوێن | ٦°٤٨′٥٨″S ٣٩°١٦′٤٩″E |
| سەرۆک | Q133848172 |
| دانیشتووان | ٤٬٧١٥٬٠٠٠ |
| بەرزی لە ئاستی دەریا | ١٢±١ مەتر |
| خوشکەشارەکان | ھامبورگ |
| ڕووبەر | ١٬٣٩٣ کیلۆمەتر چوارگۆشە |
| کۆدی پۆستە | 10000–19999 |
| وێبگە | http://www.dcc.go.tz/ |
| کۆدی تەلەفۆن | 22 |
 | |
دارولسەلام گەورەترین شار و ناوەندی داراییی تانزانیا و پایتەختی ھەرێمی دارولسەلامە. شارەکە لەسەر کەناری سواحیلی ھەڵکەوتووە. بە ژمارەی دانیشتووانی زیاتر لە ٧ ملیۆن کەس، دارولسەلام گەورەترین شاری ڕۆژھەڵاتی ئەفریقایە لە ڕووی ژمارەی دانیشتووانەوە و پێنجەم گەورەترین شاری ئەفریقایە. دارولسەلام وەک ناوەندێکی ئابووریی گرنگ و یەکێک لەو شارانەی کە خێراترین گەشەکردنیان لە جیھاندا ھەیە، دەمێنێتەوە.[١] شارەزایان پێشبینی دەکەن کە ژمارەی دانیشتووانی شارەکە پێش ساڵی ٢٠٣٠ لە ١٠ ملیۆن کەس تێپەڕێنێت.[٢]
شارەکە لە ناوەڕاستی سەدەی ١٩دا دامەزراوە و وەک ناوەندی سەرەکیی کارگێڕی و بازرگانیی ڕۆژھەڵاتی ئەفریقای ئەڵمانی، تانگانیکا و تانزانیا خزمەتی کردووە. بڕیاری گواستنەوەی پایتەخت بۆ دۆدۆما لە ساڵی ١٩٧٤دا درا، کە بە فەرمی لە ساڵی ١٩٩٦دا تەواو بوو.[٣]
دارولسەلام دیارترین شاری تانزانیایە لە بواری ھونەر، مۆدە، میدیا، فیلم، تەلەڤیزیۆن و داراییدا. شارەکە پایتەختی ھەرێمی ھاوسنووری دارولسەلامە، کە یەکێکە لە ٣١ ھەرێمە کارگێڕییەکەی تانزانیا و لە پێنج ناوچە پێکدێت: کینۆندۆنی لە باکوور؛ ئیلالا لە ناوەڕاست؛ ئوبونگۆ و تێمێکێ لە باشوور؛ و کیگامبۆنی لە ڕۆژھەڵات لەودیو ڕێژگەی کوراسینی.
سەرچاوەکان
[دەستکاری]- ↑ «Where is the fastest growing city in the world?». theguardian.com. ١٨ی تشرینی دووەمی ٢٠١٥. لە ڕەسەنەکە لە ١٥ی ئایاری ٢٠١٧ ئەرشیڤ کراوە. لە ٢١ی ئایاری ٢٠١٧ ھێنراوە.
- ↑ «Dar es Salaam, Tanzania | History | Research Starters | EBSCO Research». EBSCO. ٢٠٢٤.
- ↑ «Dar es Salaam is growing rapidly—and its planners are struggling to keep up». Environment (بە ئینگلیزی). ٥ی نیسانی ٢٠١٩. لە ڕەسەنەکە لە ٢٩ی ئازاری ٢٠٢٠ ئەرشیڤ کراوە. لە ١١ی شوباتی ٢٠٢٠ ھێنراوە.
