خەڵاتەکانی ھەڵبژاردەی گەل
| خەڵاتەکانی ھەڵبژاردەی گەل | |
|---|---|
| لقی | visual arts award، خەڵاتی فیلم |
| دامەزران | ٣ی ئازاری ١٩٧٥ |
| سپۆنسەر | Procter & Gamble، E! |
| وڵات | ویلایەتە یەکگرتووەکانی ئەمریکا |
| بابەتی سەرەکی | وێنەگرتنی سینەمایی، تەلەڤیزیۆن، مۆسیقا |
| پەخشکەری ڕەسەن | سی بی ئێس، E! |
| وێبگە | https://www.votepca.com/ |
خەڵاتەکانی ھەڵبژاردەی گەل بەرنامەیەکی خەڵاتبەخشینی ئەمریکییە، کە بۆ ناساندنی کەسایەتییەکان لە کایەی کات بەسەربردن بەکاردێت و بە شێوەی ئۆنلاین لەلایەن ھەواداران و جەماوەرەوە دەنگی بۆ دەدرێت. بەرنامەکە ساڵانە لە ساڵی ١٩٧٥ەوە بەڕێوەدەچێت،[١][٢] کە لە سەرەتادا براوەکان بە بەکارھێنانی ڕاپرسییەکانی گالۆپ دیاری دەکران تاوەکو گۆڕینی بۆ دەنگدانی ئۆنلاین لە ساڵی ٢٠٠٥دا. دوایین بەرنامە لە شوباتی ٢٠٢٤دا بەڕێوەچوو.
خەڵاتەکان لەلایەن بۆب ستیڤەرزەوە دروست کراون، کە یەکەم بەرنامەی لە ساڵی ١٩٧٥دا بەرھەمھێنا.[٣][٤] یەکەمین خەڵاتەکان فیلمی زە ستینگیان وەک فیلمی دڵخوازی ساڵی ١٩٧٤ ناسی، باربارا سترایسەند وەک ئەکتەری ژنی دڵخوازی ساڵ، و جۆن وەین وەک ئەکتەری پیاوی دڵخوازی ساڵ.[٥] تا ئێستا، ئێڵن دی جێنرس و تایلر سویفت خاوەنی زۆرترین خەڵاتن، کە کۆی گشتی ٢٠ خەڵاتیان بۆ ھەر یەکێکیان ھەیە.
لە ساڵی ١٩٨٢دا، ستیڤەرز خەڵاتەکانی ھەڵبژاردەی گەلی بە کۆمپانیای پڕۆکتەر و گامبڵ پڕۆدەکشنز (پی ئاند جی) فرۆشت؛ لەژێر چاودێریی پی ئاند جیدا، ڕێوڕەسمەکە لەلایەن سی بی ئێسەوە پەخش دەکرا، و براندەکانی پڕۆکتەر و گامبڵ کاتی ڕیکلامی نیشتمانیی تایبەتییان لە تەواوی پەخشەکەدا ھەبوو.
لە نیسانی ٢٠١٧دا، تۆڕی !E ڕای گەیاند کە خەڵاتەکانی ھەڵبژاردەی گەلیان بەدەستھێناوە. ڕێوڕەسمەکە لە سەرەتادا لە خشتەی کانوونی دووەمەوە گۆڕدرا بۆ تشرینی دووەم بۆ کەمکردنەوەی نزیکییەکەی لە مانگە قەرەباڵغەکانی وەرزی خەڵاتەکان، بەڵام ئەمە بۆ ساڵی ٢٠٢٤ گەڕێنرایەوە بۆ شوباتی.[٦] لە ساڵی ٢٠٢١ەوە، ڕێوڕەسمەکە لە تۆڕی پەخشی خوشکی !E واتە ئێن بی سی پەخش دەکرێت.[٧] لە ئەیلوولی ٢٠٢٣دا، ئێن بی سی ھەروەھا دەستی کرد بە میوانداریکردنی خەڵاتەکانی کانتریی ھەڵبژاردەی گەل وەک بەرنامەیەکی لاوەکی.
سەرچاوەکان
[دەستکاری]- ↑ Stillman، Josh (٩ی تشرینی یەکەمی ٢٠١٢). «Kaley Cuoco to host People's Choice Awards». لە ٢٢ی ئەیلوولی ٢٠١٤ ھێنراوە.
- ↑ Lee، Chris (١٩ی کانوونی یەکەمی ٢٠٠٧). «People's Choice Awards: Strike leaves little choice». Los Angeles Times. لە ٢٢ی ئەیلوولی ٢٠١٤ ھێنراوە.
- ↑ «Bob Stivers; Producer of Celebrity Specials for TV». Los Angeles Times. ٢٠ی شوباتی ١٩٨٨. لە ٢٢ی ئەیلوولی ٢٠١٤ ھێنراوە.
- ↑ «Bob Stivers, 66, Dies; Produced TV Specials». The New York Times. ٢٠ی شوباتی ١٩٨٨. لە ٢٢ی ئەیلوولی ٢٠١٤ ھێنراوە.
- ↑ «undefined - NBC.com». لە ٢٢ی ئەیلوولی ٢٠١٤ ھێنراوە.
- ↑ Denise Petski (١٤ی حوزەیرانی ٢٠٢٣). «'People's Choice Awards' Sets 2024 Date; Will Air Live On NBC, E!, & For The First Time, On Peacock». Deadline Hollywood. لە ١٤ی حوزەیرانی ٢٠٢٣ ھێنراوە.
- ↑ White، Peter (٢٨ی تەممووزی ٢٠٢١). «'People's Choice Awards' To Air On NBC In December». Deadline Hollywood. لە ٢٨ی تەممووزی ٢٠٢١ ھێنراوە.
