حەمەی نێرگز
محەممەد ساڵح شەریف ناسراو بە حەمەی نێرگز (؟، سلێمانی – ٢٣ی ئەیلوولی ٢٠١٣، سلێمانی) ھونەرمەندێکی کوردی شاری سلێمانی بوو.
سەرەتای ژیان
[دەستکاری]حەمەی نێرگز بەھۆی ھەژاری خێزانەکەیەوە، نەیتوانی بە ڕۆژ بچێتە قوتابخانە، بە ڕۆژ کاری دەکرد و شەوان لە قوتابخانەی فەیسەڵییە دەیخوێند. ھەر لە لاوییەوە خولیای ھونەری گۆرانی و گۆرانیوتن بووە، و بۆ ئەم مەبەستەش ئامۆژگاری لە گۆرانی شاعیر وەرگرتووە.
لە سەرەتای ساڵانی شەستەکانی سەدەی ڕابردوو، لە ڕێگای قادر برسیی شاعیر و شەماڵ سائیبەوە دەچێتە ڕادیۆی کوردیی بەغدا، پاش تاقیکردنەوەی، بەڵام ڕادیۆکە ڕازی نابن و وەری ناگرن. پاشان دێتەوە سلێمانی و لە ڕێی تیپی مۆسیقای مەولەوی و تیپی مۆسیقای ھونەر و وێژەی کوردییەوە، گۆرانییەکانی تۆمار دەکات، و لەناو کورددا دەناسرێت.[١]
کۆچی دوایی
[دەستکاری]لە ٢٣ی ئەیلوولی ٢٠١٣ دوای ٥ ساڵ بەھۆی نەخۆشیی شێرپەنجەوە کۆچی دوایی کرد، و لە گردی سەیوان لە سلێمانی بە خاک سپێردرا.[٢]
نازناو
[دەستکاری]نازناوی «نێرگز» لە نێرگزی دایکییەوە بۆی ماوەتەوە، و وەک ناوی ھونەری بەکاری ھێناوەتەوە؛ لەبەرئەوەی لە مناڵیدا دایکی ئەرکی بەخێوکردنی خۆی و ٦ مناڵی دیکەی لە ئەستۆدا بووە و توانیویەتی گەورەیان بکات.[١]
ئەمانەش ببینە
[دەستکاری]سەرچاوەکان
[دەستکاری]- 1 2 «حەمەی نێرگز؛ وێڵی دوای نان!». www.knwe.org. لە ڕەسەنەکە لە ٢٢ی ئایاری ٢٠٢٥ ئەرشیڤ کراوە. لە ٥ی نیسانی ٢٠٢٥ ھێنراوە.
- ↑ zer01 (٢٣ی ئەیلوولی ٢٠١٣). «حەمەی نێرگز کۆچی دوایی کرد». SCCI (بە کوردی). لە ٥ی نیسانی ٢٠٢٥ ھێنراوە.
{{cite web}}: ڕاگرتنی شێوازی سەرچاوەی ١: ناوە ژمارەیییەکان: authors list (بەستەر)
