جێرمی هانسێن

جێرمی هانسێن
جێرمی هانسێن
	Hansen in 2023
CSA astronaut
دۆخ	چاڵاك
لەدایکبوون	Jeremy Roger Hansen; ٢٧ی کانوونی دووەمی ١٩٧٦ (تەمەن ٥٠ ساڵ); London, Ontario, Canada
Alma mater	Royal Military College (BSc, MSc)
کات لە بۆشایی	داڕێژە:Time in space
ھەڵبژرادن	2009 CSA Group; NASA Group 20 (2009);
Missions	Artemis II
Mission insignia
خەڵاتەکان	Canadian Forces' Decoration (2006)
	Military career
دڵسۆزی	Canada
خزمەت/لق	Royal Canadian Air Force
ساڵانی خزمەت	1994–present
پلە	Colonel

جێرمی ڕۆجەر هانسێن (بە ئینگلیزی: Jeremy Roger Hansen؛ لەدایکبووی ٢٧ی کانوونی دووەمی ١٩٧٦) ئاسمانییەکی کەنەدی، فڕۆکەوانی جەنگی، فیزیازان و ئاکوانۆت (aquanaut)ـە. ئەو لە ساڵی ٢٠٠٩دا شانبەشانی (دەیڤید سەینت-ژاک) بۆ پەیوەندی بە ئاژانسی بۆشایی ئاسمانی کەنەدی (CSA) هەڵبژێردرا. پێش ئەوەی ببێتە ئاسمانی، هانسێن نەقیب (Captain) بوو لە هێزی ئاسمانی شاهانەی کەنەدا و فڕۆکەی جەنگی (CF-18)ی لێدەخوڕی. لەو کاتەوە پلەکەی بەرزکراوەتەوە بۆ عەقید (Colonel).

لە ١ی نیسانی ٢٠٢٦، هانسێن وەک ئەندامێکی تاقمی ئەرکی ئارتمیسی دووەم گەشتەکەی دەستپێکرد، کە بڕیارە بە دەوری مانگدا بسوڕێتەوە. ئەو بوو بە یەکەم ئاسمانیی نائەمریکی کە بۆ دەرەوەی خولگەی نزیکی زەوی گەشت بکات، و ئەگەر ئەرکەکە بە سەرکەوتوویی بەردەوام بێت، دەبێتە یەکەم نائەمریکی کە بگاتە نزیک مانگ.

ژیانی پێشینە و خوێندن

هانسێن لە ٢٧ی کانوونی دووەمی ١٩٧٦ لە شاری لەندەن لە ویلایەتی ئۆنتاریۆ لەدایکبووە. ئەو لە کێڵگەیەکی نزیک (ئایڵسا کرایگ) گەورە بووە، تا ئەو کاتەی بۆ خوێندنی ئامادەیی چوو بۆ شاری ئینگەرسۆڵ. لە تەمەنی ١٢ ساڵیدا، پەیوەندی بە فەوجی ٦١٤ی کادێتی ئاسمانی شاهانەی کەنەدا کرد لە شاری لەندەن، ئۆنتاریۆ.

دوای تەواوکردنی خوێندنی ئامادەیی، هانسێن چووە کۆلێژی سەربازیی شاهانەی کەنەدا لە شاری کینگستۆن، کە لەوێ لە ساڵی ١٩٩٩ بڕوانامەی بەکالۆریۆسی زانستی (بە پلەی نایاب) لە زانستی بۆشایی ئاسمان بەدەستهێنا.

دواتر لە ساڵی ٢٠٠٠، هانسێن بڕوانامەی ماستەری لە فیزیادا لە هەمان کۆلێژ تەواو کرد، کە تێیدا تیشکی خستبووە سەر توێژینەوە لە بواری شوێنپێهەڵگرتنی مانگە دەستکردەکان.

کاروان

لە ساڵی ٢٠١٣دا، هانسێن وەک "کەیڤنۆت" (Cavenaut) بەشداری لە مەشقەکانی (ESA CAVES) کرد لە ساردینیا، شانبەشانی چەند ئاسمانییەکی تری وەک ساتۆشی فوروکاوا و مایکڵ بارات. ئەم مەشقانە لەناو ئەشکەوتە قووڵەکاندا ئەنجام دەدرێن بۆ ئامادەکردنی ئاسمانییەکان بۆ کارکردن لە ژینگەی سەخت و دابڕاودا. لە ١٠ی حوزەیرانی ٢٠١٤، ناسا ڕایگەیاند کە هانسێن وەک "ئاکوانۆت" (Aquanaut) لە تاقیگەی ژێر ئاوی "ئاکواریۆس" کار دەکات لە کانوونی یەکەمی ٢٠١٤دا، وەک بەشێک لە ئەرکی (NEEMO 19) کە حەوت ڕۆژی خایاند.

لە ٣ی نیسانی ٢٠٢٣، هانسێن وەک یەکەم کەنەدی دەستنیشانکرا کە گەشت بۆ نزیک مانگ بکات، وەک بەشێک لە ئەرکی ئارتمیسی دووەم کە لە ١ی نیسانی ٢٠٢٦دا دەستی پێکرد.