جۆ پانتۆلیانۆ

;
	پانتۆلیانۆ لە چالاکیەکدا لە ٢٠٠٨
لەدایکبوون	جۆزێف پیتەر پانتۆلیانۆ; ١٢ی ئەیلوولی ١٩٥١ (تەمەن ٧١ ساڵ); ھۆبۆکن، نیوجێرزی، ویلایەتە یەکگرتووەکانی ئەمریکا.
ناوەکانی تر	جۆوی پانتس
پیشە	ئەکتەر
چالاکبوون	١٩٧٤–تا ئێستا
ھاوسەر	مۆڕگن کێستەر (ھاوسەرگیری ١٩٧٩؛ ١٩٨٥); نانسی شێپرد (ھاوسەرگیری ١٩٩٤);
مناڵ(ەکان)	٤

جۆزێف پیتەر پانتۆلیانۆ (لەدایکبووی ١٢ی ئەیلوولی ١٩٥١)^[١] ئەکتەرێکی ئەمریکییە کەوا بەزۆری ڕۆڵی کارەکتەرە تاوانبار و گەندەڵەکانی لە زنجیرە و فیلمەکانی تەلەڤیزیۆن بەرجەستە کردووە.

ڕۆڵە سەرەتاییەکانی بریتی بوون لە بەرجەستەکردنی سەربازێکی بریندار لە زنجیرەی M*A*S*H* و ڕۆڵی گویدیۆ لە فیلمی Risky Business (١٩٨٣)، و تاوانکار فڕانسس فڕاتێلی لە فیلمی The Goonies (١٩٨٥) و ئێدی مۆسکن لە فیلمی Midnight Run (١٩٨٨). پانتۆلیانۆ دواتر ڕۆڵی نۆربی لە فیلمی Baby's Day Out، و سەرکردە کۆزمۆ ڕێنفرۆ لە ھەردوو فیلمی The Fugitive و U.S. Marshals. ڕۆڵەکانی تری بریتین لە ڕۆڵی سایفەر لە مەیتریکس، تێدی لە Memento، و کاپتان ھاوارد لە زنجیرە فیلمەکانی Bad Boys و ڕاڵف سیفارێتۆ لە وەرزی سێیەم و چوارەمی زنجیرەی The Sopranos.

پانتۆلیانۆ کاری دەنگی بۆ ھەریەک لە کۆڵ ئۆڤ دیووتی: بلاک ئۆپس٢ و GTA IIIیش کردووە. بۆ ڕۆڵی ڕاڵفی لە زنجیرەی سۆپرانۆکان توانی ببێتە براوەی خەڵاتی ئێمی بۆ باشترین ئەکتەری پشتگیریکار.