جلبڕ

جلبڕ یان جربل یەکێکە لە خۆراکە کوردەوارییەکان، کە لە دەشتی ھەولێر زۆر باو بووە. زیاتر لە زستان دەخورا.

پێکھاتەی خواردنەکە ئەو ماددانە بوون کە لە ناوچەکە بەرھەم دەھێنران، وەک:

• ھەڕشتە
• پیرخەنی (ساواری ورد)
• پیاز
• کەرە یان ڕوون
• تەماتە
• بیبەری تیژ (بەپێی ئارەزوو)

ئامادەکردن

پێکھاتە و ڕێگای دروستکردنی جلبڕ لە ناوچەیەک بۆ ناوچەیەکی تر جیاوازە، بەڵام لە بنەڕەتدا بەم شێوەیە دروست دەکرێت:

1. قرچاندنەوەی ڕوون یان کەرە لەسەر ئاگر
2. پیاز ورد دەکرێ و لەناو ڕوونی قرچاو دەکرێ
3. پاش سووربوونەوەی پیاز ئاوی تێدەکرێ
4. تەماتەکە دەگوشرێت لە ناوی دەکرێ
5. ھەندێک خوێی تێدەکرێ
6. پیرخەنی دەشورێت و لە ناوی دەکرێ
7. پاش ئەوەی بڵقێک وەردەگری ئینجا ھەڕشتەکەی لەناو دەکڕێ
8. بەپێی ئارەزوو دەتوانرێت بیبەری تیژی تێ بکرێ