تەھا محێدین مەعرووف
| تەھا محێدین مەعرووف | |
|---|---|
 | |
| لەدایکبوون | ١ی کانوونی دووەمی ١٩٢٤ سلێمانی، عێراق |
| مردن | ٧ی ئابی ٢٠٠٩ (٨٥ ساڵ ژیاوە) عەممان، ئوردن |
| پیشە | سیاسەتوان، دیپلۆمات |
| پۆستەکان | باڵیۆز |
| ئەندامی حیزبی | حیزبی بەعس |
تەھا محێدین مەعرووف (١٩٢٩ – ٧ی ئابی ٢٠٠٩) سیاسەتمەدار و دیپلۆماتکارێکی کوردی عێراقی بووە و لە ساڵی ١٩٧٥ تا ساڵی ٢٠٠٣ لە داگیرکردنی عێراق وەک جێگری سەرۆک کۆماری عێراق کاری کردووە. ھەروەھا ئەندامی ئەنجومەنی فەرماندەیی شۆڕش بووە، ئەمەش وایکردووە یەکێک بێت لەو کەم سەرکردە کوردانەی کە پێگەی دیاری لەناو ڕژێمی بەعسدا ھەبێت، ئەگەرچی بە پێگەی تاڕادەیەکی زۆر ڕێوڕەسمی بوو.[١]
ژیانی سەرەتایی
[دەستکاری]لە ساڵی ١٩٢٤ لە شاری سلێمانی لەدایک بووە، لە بنەماڵەیەکی دەوڵەمەند و کاریگەری کورد. خوێندنی ناوەندی لە شارەکەی تەواو کردووە و لە ساڵی ١٩٤٨ کۆلێژی یاسای لە بەغدا تەواو کردووە، دوای ئەنجامدانی پارێزەرێتی، چووەتە بواری سیاسەتەوە، لە ساڵی ١٩٤٥ پەیوەندی بە حیزبی ڕزگاریخوازی کوردەوە کردووە، دواتر لە ساڵی ١٩٤٦ بەشداری لە دامەزراندنی پارتی دیموکراتی کوردستان کردووە، وەک ئەندامی کۆمیتەی ناوەندی پارتی دیموکراتی کوردستان بووە. قادر ئاغا برا گەورەکەی سەرۆکی ئەنجومەنی شارەوانی سلێمانی بوو.[٢]
مەرگ
[دەستکاری]لە ٧ی ئابی ٢٠٠٩ لە شاری عەممانی پایتەختی ئوردن کۆچی دوایی کردووە. ڕۆژی دواتر لە شاری ھەولێری ھەرێمی کوردستان بە خاک سپێردرا.[٣]
