بۆ ناوەڕۆک بازبدە

تیلۆس

لە ئینسایکڵۆپیدیای ئازادی ویکیپیدیاوە

تیلۆس (بە یۆنانی: τέλος) وشەیەکی یۆنانی و لە زاراوەکانی ئەرەستووە کە لە بوارەکانی فەلسەفەی ئەخلاق و فەلسەفەی سروشتدا بە کاری ھێناوە و بە مانای «ئاکام» و «کۆتایی» و «مەبەستی دوایین» دێ. زاراوەی تیلیۆلۆژی یا ئاکامباوەڕی -ش ھەر لەمەوە ھاتووە. تیلۆس ئەوەیە کە شتەکان لەبەر خاتری ئەو ڕوو دەدەن یا بە ئەنجام دەگەن،[١] ئەوەیە کە جموجووڵ لەبەر خاتری ئەو دەکرێ.[٢]

لە تیۆرییەکانی فەلسەفەی ئەخلاقدا، ھەر کارێ مرۆڤ دەیکات بەرەو ئاکام و مەبەستێکە (بەرەو تیلۆسێکە) و، مرۆڤ دەتوانێ بە قووڵبوونەوە و تێڕامان ھەنگاوەکانی پێویست بۆ گەیشتن بەو ئاکامە دەسنیشان بکا. بە گوێرەی ئەرەستوو، ئاکامی ھەرە دوایینی ئینسان کە ھەموو کردەوەکانی ژیانی بۆ گەیشتن بە ئەوەیە بەختیاری و دڵخۆشییە. لە زانستی سروشتیی ئەرەستوودا، تیلۆسی گیانلەبەر ئەوەیە کە بتوانێ گەورە بێ و تۆرەم بخاتەوە و زاوزێ بکا. تیلۆسی ئەندامانی لەش ئەو ئیشوکارەیە کە دەیکا، بۆ وێنە تیلۆسی چاو بینینە.[١]

سەرچاوەکان

[دەستکاری]
  1. 1 2 «Telos - Routledge Encyclopedia of Philosophy». www.rep.routledge.com (بە ئینگلیزی). لە ٩ی نیسانی ٢٠٢٥ ھێنراوە.
  2. ↑ Mautner، Thomas. Penguin Dictionary of Philosophy.