لە ئینسایکڵۆپیدیای ئازادی ویکیپیدیاوە
تیرۆریزم لە عەرەبستانی سعوودی. ئەو تیرۆرەیە کە چەکدارانی سەر بە قاعیدە کە بانگەشەی موسڵمان بوون دەکەن، بۆ مەبەستی سیاسی و کۆمەڵایەتی و ماددی بەکاریدەھێنن، وەک ھێرشکردنە سەر حکوومەت و ھێزە ئەمنییەکانی سعوودیە، چونکە دژایەتیان دەکەن. ھێرشەکانی دژە ڕۆژاوا لە سعوودیە لە ساڵی ١٩٩٥ەوە ڕوویانداوە. چوار دەزگا بەشدارییان لە بەرەنگاربوونەوەی تیرۆر لە سعوودییەدا کرد: وەزارەتی بەرگری، وەزارەتی ناوخۆ، پاسەوانی نیشتمانی، و سەرۆکایەتی ھەواڵگری گشتی. ماوەی ساڵانی ٢٠٠٣ تا ٢٠٠٦ بە توندوتیژترین و خوێناویترین ماوەی ململانێکان دادەنرا.
سعوودیە سەرەڕای پێگەی شانشینی سعوودیە وەک سەرۆکی ھاوپەیمانی ئیسلامی بۆ بەرەنگاربوونەوەی تیرۆر، بەردەوام بووە لە بەرەنگاربوونەوەی پارەدارکردنی تاقمە تیرۆریستییەکان و سەپاندنی ڕێسای ئەمنی بۆ ڕێگریکردن لە چالاکییە خوێناوییەکانیان. لە مانگی یەکی ساڵی ٢٠١٩ دا، سعوودیە کۆنترۆڵی خۆی بەسەر ١٢ چالاکیی داراییدا ڕاگەیاند کە بە نھێنی بەکاردەھێنرێن بۆ پشتگیریکردنی گرووپە تیرۆریستییەکان بە پارە. ئەم چالاکییانە بریتین لە چالاکییە خێرخوازیەکان، خزمەتگوزارییەکانی پێشکەشکراو لە کەرتی قەرزدان و دارایی، ھەروەھا بانکی و کەرتەکانی پەیوەندیدار، وەک گواستنەوەی پارە، دەرکردنی کارتی بانکیی، و ئاڵوگۆڕی دراوی بیانی. ڕۆژی ھەینی ٢١ی حوزەیرانی ٢٠١٩، سعوودیە وەک یەکەم وڵاتی عەرەبی پەیوەندی بە ھێزی کۆمەڵەی کاری داراییەوە کرد. وەک ڕێزلێنانێک بۆ ھەوڵەکانی لە بەرەنگاربوونەوەی پارەدارکردنی تیرۆر.
