تۆماس سانگستەر

تۆماس برۆدی-سانگستەر
برۆدی-سانگستەر لە سان دێگۆ کۆمیک-کانی ٢٠١٥
لەدایکبوون	(١٩٩٠-٠٥-١٦) ١٦ی ئایاری ١٩٩٠ ساوتوارک، لەندەن، ئینگلتەرا
نەتەوە	بەریتانی
ناوەکانی تر	تۆماس سانگستەر
پیشە	ئەکتەر
چالاکبوون	٢٠٠١–ئێستا

تۆماس برۆدی-سانگستەر (لەدایکبووی ١٦ی ئایاری ١٩٩٠) کە ھەندێک جار بە تۆماس سانگستەریش دەنووسرێت، ئەکتەرێکی ئینگلیزە کە بە ڕۆڵی سام لە ڕاستی خۆشەویستی (٢٠٠٣)، سایمن لە نانی ماکفی (٢٠٠٥)، فێرب لە ڤێنێس و فێرب (٢٠٠٧–٢٠١٥)، جۆجێن ڕید لە کایەی تەختە پاشایەتییەکان (٢٠١٣–٢٠١٤)، نیوت لە زنجیرەفیلمی مازی ڕاکەر (٢٠١٤–٢٠١٨)، و بێنی واتس لە کورتە زنجیرەی گامبیتی شاژنی نێتفلیکس (٢٠٢٠) ناسراوە.

برۆدی-سانگستەر بەھۆی ڕۆڵگێڕان لە فیلمەکانی مردنی پاڵەوان (٢٠١١)، ئەستێرەی ڕاستبوونەوە (٢٠٠٩)، و ڕۆڵی پۆڵ مەککارتنی لە کوڕە هیچشوێنێک (٢٠٠٩) ناوبانگی دەرکردووە. ھەروەھا کامیۆیەکیشی ھەبوو بە ڕۆڵی ئەفسەری پلەی یەک لە جەنگی ئەستێرەکان: ھەستانەوەی ھێزەکە (٢٠١٥)، ڕۆڵی ویتی وین لە کورتە زنجیرەی بێخودای نێتفلیکس (٢٠١٧) و ڕۆڵی جۆن ترەیسیشی گێڕا لە باڵندەیبروسکە دەڕوات (٢٠١٥–٢٠٢٠)

ژیانی سەرەتایی

تۆماس برۆدی-سانگستەر لە ساتوارک، پارێزگایەکی لەندەن، لە ١٦ی ئایاری ١٩٩٠دا لەدایکبووە بە کوڕی مارک سانگستەر و تاشا بێرترام. خێزانی باوکی برۆدی-سانگستەر خەڵکی بانچۆری، سکۆتلاندن. یەک خوشکی ھەیە. برۆدی-سانگستەر باس و گیتار دەژەنێت، و خۆی فێری گیتار ژەنین بەدەستی چەپ کرد بۆ ڕۆڵگێڕانی پۆڵ مەککارتنی لە فیلمی درێژی Nowhere Boy. ھەروەھا خۆی فێری ژەنینی درەمیش کرد لە فیلمی درێژی Love Actually (٢٠٠٣).

بەستەرە دەرەکییەکان

• تۆماس برۆدی-سانگستەر لە ئاژانسی ئەدەبی و بەھرەیی کەرتیس براون
• تۆماس سانگستەر لە بنکەدراوەی ئینتەرنێتیی فیلمەکان