قووچەک

وێنەی قووچەکی وەستاو و قووچەکی لار

قووچەکێکی دووانی

قووچەک (بە ئینگلیزی: Cone) جۆرێک ھێرەمە بنکەکەی شێوەی بازنەیی ھەیە. تەوەری قووچەک ئەو ھێڵەیە لوتکەکە بە چەقی بنکەکە دەگەینێت. دەشێت قووچەک لار یان وەستاو بێت، لە قووچەکی وەستاودا تەوەر لەسەر بنکە ئەستوونە و بەرزی بریتییە لە درێژی تەوەرەکە. جیاوازی قووچەک لە لوولەک لەوەدایە کە قووچەک یەک بنکەی ھەیە و لوتکەیەکی ھەیە لەجیاتی بنکەی دووەم.

قەبارە

قەبارە $V$ بۆ ھەر قووچەکێک دەدۆزرێتەوە بە مەرجێک بەرزییەکەی $h$ و ڕووبەری بنکەکەی $b$ زانراو بێت. ھاوکێشەی قەبارەی قووچەک بەم شێوەیە:

$V={\frac {1}{3}}bh$

قەبارەی قووچەکی وەستاو، یەکسانە بە ١⁄٣ قەبارەی لوولەکێک کە بە ھەمان بنکە و بەرزی دروست دەبێت کەوایە؛ قەبارەی قووچەکی وەستاو بە نیوەتیرەی r و بەرزی h بریتییە لە:

$V={\frac {1}{3}}\pi r^{2}h$

پێناسەی بیرکارییانەی قووچەک

بە کۆمەڵی ${\mathit {K}}$ دەوترێت قووچەک ئەگەر بۆ ھەر ئەندامی (دانەی) $x$ لە کۆمەڵی ${\mathit {K}}$ ئەم مەرجە بێتە دی:

$x\in {\mathit {K}}\Rightarrow \theta x\in {\mathit {K}}$

ئەمانەش ببینە

• بڕگەی قووچەکی
• لوولەک

سەرچاوەکان

• بیرکاری بۆ ھەمووان، کتێبی قوتابی پۆلی نۆیەمی بنەڕەتی- چاپی حەوتەم
• بەشداربووانی ویکیپیدیا، «مخروط»، ویکیپیدیای فارسی. سەردان لە ٢٩ ئازاری ٢٠١٨.