جوزێپێ گاریبالدی

جۆزیبی گاریبالدی

جۆزیبی گاریبالدی سەرباز و سیاسەتمەدارێكی ئیتاڵی بووە ، لە 4 یۆلیۆی ساڵی 1807 لەشاری نیس لەدایك بووە و باوكی ڕاوچی ماسی بووە و حەزیكردووە جۆزیبی كوڕی ببێت بە پیاوێكی ئایینی ، بەڵام كوڕەكەی سووربووە لەسەر ژیانی دەریا و دەریاوانێكی سەركەوتووی لێ‌ دەرچووە . جۆزیبی گاریبالدی خۆشەویستی نیشیمان لەدڵیا چەسپاوە و چۆتە نێوو بزوتنەوەی گەنجانی ئیتاڵیاوە ، دوای ئەوەی بەشداری كرد لەهەوڵی دەستبەسەراگرتنی ناوچەی جینوا ، ساڵی 1834 دەستگیركراوە و بڕیاری لەسێدارەدانی بۆ دەرچووە ، بەڵام توانیوێتی هەڵبێت بۆ مارسیلیا و لەوێشەوە بۆ ئەمریكای باشوور ، دەست و باڵایەكی بەرچاوی هەبووە لە شەڕی پارتیزانیدا و سەربازێكی لێهاتووش بووە. جۆزیبی گاریبالدی بۆ جاری دووەم دەستبەسەركراوە و بۆ ماوەی دوو ڕۆژ هەڵیان واسیوە ، بەڵام ئەمجارەشیان توانیوێتی دەربازبێت و لەزیندان ڕابكات و لەگەڵ هاوسەرەكەیدا چوونە بۆ ئەمریكای باشوور و لەوێ‌ جۆرەها ئیشی كردووە ، لەساڵی 1842 دژی دیكتاتۆری بوینیس ئیریس شۆڕشی بەرپاكردووە و ڕۆڵێكی بەرچاوی لەو جەنگەدا گێڕاوە. ساڵی 1848 جۆزیبی گاریبالدی گەڕاوەتەوە بۆ ئیتاڵیای وڵاتی خۆی كە ئەو كاتە ڕوبەڕوی جەنگێكی نیشتیمانی مەزن بۆتەوە لەگەڵ نەمسادا هەر بۆیە وەكو خۆبەخش چۆتە نێو ڕیزەكانی هێزەكانی شاڕڵ ئەلبێرت ، بەڵام هێزەكانی نەمسا زۆرتربووە لە هێزەكانی ئیتاڵیا و سەركەوتنیا بەدەستهێناوە و ئیتاڵیایان داگیركردووە ، ساڵی 1849 چۆتە نێو حكومەتە شۆڕشگێڕەكەی ڕۆما ، ساڵی 1854 لەجەنكی سەربەخۆیی ئیتاڵیادا وەكو جەنگاوەرێكی بەجەرگ بەشداری كردووە . دوای بەشداریكردنی لە زیاتر لەجەنگێك و دەستگیركردنی بۆ چەند جارێك ، جۆزیبی گاریبالدی لەمانگی یۆنیۆی ساڵی 1882 كۆچی دوایی كردووە.

وەرگێڕانی لە ویكیپیدیای عەرەبیەوە ( محمد فاتح )