ھەوکردن

هەوکردن بریتییە لە وەڵامدانەوەی خانە بەرانبەر هۆکارە زیانبەخشە دەرەکی و ناوەکییەکان. هەوکردن ڕووداوێکی پارێزەرە کە دەبێتە هۆی لابردنی هۆکارەکان و گێڕاندنەوەی شانە بۆ دۆخی پێشووی (چاکبوونەوە).

هۆکارەکان

• هۆکارە زیندەییەکان: ڤایرۆس، بەکتریا، و قەوزە.
• هۆکارە فیزیکییەکان: سووتان، برین، و تیشکدانەوە.
• هۆکارە کیمیاییەکان: ترش، تفت، و ماددە ژەهراوییەکان.
• هەستیاری
• مردنی خانە، و تەنی بێگانە

جۆرەکانی هەوکردن

• هەوکردنی تیژ: بریتییە لە هەوکردنێکی خێرا و کورتخایەن. لە نیشانەکانی: ئازار، گەرما، سووربوونەوە، ئاوسان، ناکارایی.
• هەوکردنی ژێرتیژ: هاوبەشە لەنێوان هەوکردنی تیژ و درێژخایەن.
• هەوکردنی درێژخایەن: کە چەند هەفتە یان مانگێک دەخایەنێت و زۆربەی جار لە هەوکردنی تیژەوە پەرەدەسێنێت.
• هەوکردنی دەنکۆڵەداری: جۆرێکی تایبەتە لە هەوکردنی درێژخایەن. بریتییە لە کۆبوونەوەی دەنکۆڵەخانە لە شوێنی هەوکردنەکە، وەک: نەخۆشی سیل و فەڕەنگی.