تاھیر یاروەیسی

لە ئینسایکڵۆپیدیای ئازادی ویکیپیدیاوە
(لە تاھێر یاروەیسیەوە ڕەوانە کراوە)
تاھێر یاروەیسی

لەدایکبوون١٩٤٠
مەرگ١٦ی تەممووزی ٢٠١٩
نەتەوەکورد
پیشەژەنیاری تەموورە


تاھێر یاروەیسی ناسراو بە وسا تاھێر (١٩٤٠ لە گاوارە - ١٦ی تەممووزی ٢٠١٩ لە کرماشان) مۆسیقازان و مامۆستای ئامێری تەموورە بوو. تاھێر یاروەیسی بەدوای تەمەنێک چالاکی لە بواری مۆسیقا بە تایبەت ئامێری تەموورە و مۆسیقای یارسان، لە کۆتاییەکانی تەمەنی تۆشت نەخۆشی بوو و بەدای ماوەیەک کە لە کۆمادا بوو، لە ١٦ی تەممووزی ٢٠١٩ لە نەخۆشخانەی بێستوونی شاری کرماشان کۆچی دواییی کرد.[١]

ژیان[دەستکاری]

تاھێر یاروەیسی لە ساڵی ١٩٤٠ لە بنەماڵەیەکی یارسان لە شاری گاوارە سەر بە شارستانی داڵاھۆی پارێزگای کرماشان لە دایک بوو. ژەنینی تەموورە لە تەمەنی دە ساڵی دەستیپێکرد و لە لای سەید وەلی حوسەینی خەریکی فێربوونی مەقامەکانی ئەم ئامێرە بوو، کە یەکەمین و کاریگەرترین مامۆستای بوو کە چوو بۆ لای و یەکێک لە گەورەترین ژەنیارەکانی تەموورە بووە. ھەروەھا لالۆ بەیرخان یەکێک دیکە لە مامۆستاکانی بوو کە یاروەیسی لە ھونەریان کەڵکی وەرگرت. تاھێر یاروەیسی جگە لە ژەنینی تەموورە، لە تاشین و درۆستکردنی ئەم ئامێرەش زۆر بەکار بوو و ئەم ھونەرە لە لای چەنگیز فەرمانی فێر بووبوو کە گەورەترین مامۆستای تەموورەتاشی لە کۆمەڵگای یارسان بوو. تاھێر یاروەیسی قوتابییەکانێکی زۆری پەروەردە کرد و ژیانی خۆی بۆ پەروەردەکاریی چڕین و ژەنینی تەموورە پێشکەش کردبوو و کەلامچڕەکان و ژەنیارانێکی زۆر لە ناوچەکانی جیاوازی کرماشان و تەنانەت شارەکانی دیکە وەکوو تاران پەروەردە کرد.[١]

فیستیڤاڵەکان[دەستکاری]

  • فیستیڤاڵی فەرھەنگ و ھونەر، ١٩٧٥
  • فیستیڤاڵی ئاوێنە و ئاواز، ١٩٩٤
  • فیستیڤاڵی ھۆنراوە و وێژەی شاباد، ٢٠٠١
  • فیستیڤاڵی قەسر شیرین، ٢٠٠١
  • فیستیڤاڵی مۆسیقای شاباد، ٢٠٠١
  • فیستیڤاڵی دابونەریتی تاران، ٢٠٠١
  • فیستیڤاڵی سنە، ٢٠٠٢
  • فیستیڤاڵی (ذکر و ذاکرین)ی مەشھەد، ٢٠٠٣
  • فیستیڤاڵی تەموورەی سەحنە، ٢٠٠٣
  • فیستیڤاڵی مۆسیقای مەقامیی کرمان، ٢٠٠٣
  • فیستیڤاڵی مۆسیقای مەقامیی کرمان، ٢٠٠٤
  • فیستیڤاڵی ڕامسەر، ٢٠٠٤
  • فرھنگسرای نیاڤەرانی تاران، ٢٠٠٤
  • فیستیڤاڵی مۆسیقای ئایینیی بەرلین لە ئەڵما، ٢٠٠١
  • کۆنسێرت لە تاجیکستان، ٢٠٠٤
  • ژەنینی مەقامەکانی کۆنینەی تەموورە لە کۆنفرانسی زمانی کرماشانی و ئیلامی، لە ھەولێری باشووری کوردستان، ٢٠٠٥

ئەلبووم[دەستکاری]

  • مەجنوونی (مەقامە مەجلیسیەکانی تەموورە)

سەرچاوەکان[دەستکاری]