بێتەل
بێتەل (بە ئینگلیزی: Wireless)یان پەیوەندییە بێتەلەکان (بە ئینگلیزی: Wireless communication) بریتییە لە گواستنەوەی زانیاری (پەیوەندی) لە نێوان دوو خاڵ یان زیاتر، بەبێ بەکارھێنانی گەیەنەری کارەبایی، کێبڵی تیشکی یان ناوبژیوانی گواستنەوەی بەردەوامێکی دیکە بۆ گواستنەوەکە. باوترین تەکنەلۆژیا بێتەلەکان شەپۆلی ڕادیۆیی بەکاردەھێنن. لەگەڵ شەپۆلی ڕادیۆیی، مەودای مەبەست دەتوانێت کورت بێت، وەک چەند مەترێک بۆ بلوتووس، یان ھەتا ملیۆنان کیلۆمەتر بۆ پەیوەندییە ڕادیۆییەکانی نێو قووڵاییی بۆشاییی ئاسمان. تەکنەلۆژیای بێتەل جۆرە جیاوازەکانی ئەپڵیکەیشنەکانی جێگیر و مۆبایل و پۆرتەبل لەخۆدەگرێت، لەوانە ڕادیۆی دوولایەنە، تەلەفۆنی خانەیی، یاریدەدەری دیجیتاڵی تاکەکەسی (PDAەکان) و تۆڕی بێتەل. نموونەکانی تری بەکارھێنانی تەکنەلۆجیای بێتەلی ڕادیۆیی بریتین لە یەکەکانی جی پی ئێس، دەرگاکەری گەراج، ماوسی کۆمپیوتەری بێتەل، کیبۆرد و ھێدسێت، ھێدفۆن، وەرگری ڕادیۆیی، تەلەڤیزیۆنی سەتەلایت، تەلەڤیزیۆنی پەخش و تەلەفۆنی بێتەل. ڕێگاکانی تا ڕادەیەک کەمتر باو بۆ گەیشتن بە پەیوەندییە بێتەلەکان بریتین لە دیاردەکانی کارۆموگناتیسیی دیکە، وەک ڕووناکی و بوارە موگناتیسییەکان یان کارەباییەکان، یان بەکارھێنانی دەنگ.
سەرچاوەکان
[دەستکاری]
