ئارگیومنت

لە ئینسایکڵۆپیدیای ئازادی ویکیپیدیاوە
(ڕەوانەکراوە لە بیانووەوە)
Jump to navigation Jump to search

لە لۆژیکدا، ئارگیومنت (بەئینگلیزی: Argument) لە دوو بەش پێک دێ:

  1. پێشەکییەکان: ھەر پێشەکی ڕستەیەکی ھەواڵییە، یان دەکرێ بڵێین پێشنیارێکە. ئارگیومنت بۆی ھەیە چەند پێشەکیی ھەبێ.
  2. کۆتایی یان ئاکام: ئەمەش ڕستەیەکی ھەواڵیی دیکەیە.

ئارگیومنتکان دوو جۆرن: "قیاسی" و "ئیستیقرایی". ئارگیومنتە قیاسییەکان بانگەشەی ئەوە دەکەن کە ڕاستبوونی بەشی کۆتایی، ئاکام یان شۆنھاتی ئەنجامگرانەی پێشەکییەکانە. ئارگیومنتە ئیستیقرایییەکان بانگەشەی ئەوە دەکەن کە ڕاستبوونی بەشی کۆتایی لەلایەن پێشەکییەکانەوە پشتیوانیی لێ دەکرێ.

نموونەی ئارگیومنتی قیاسی[دەستکاری]

کاتێک باران دەبارێ، چیمەنەکان تەڕ دەبن. ئێستاش باران دەبارێ، کەوایە، چیمەنەکان تەڕن.

پێشەکییەکان:

  • کاتێک باران دەبارێ، چیمەنەکان تەڕ دەبن
  • ئێستا باران دەبارێ

کۆتایی (ئاکام):

  • ئێستا چیمەنەکان تەڕن.

نموونەی ئارگیومنتی ئیستیقرایی[دەستکاری]

ھەرجار کە باران باریوە چیمەکانیش تەڕ بووگن. کەوایە، کاتێک باران ببارێ، چیمەنەکان تەڕ دەبن.

پێشەکییەکان:

  • ھەرجار کە باران باریوە چیمەکانیش تەڕ بووگن.

کۆتایی (ئاکام):

  • کاتێک باران ببارێ، چیمەنەکان تەڕ دەبن.