بزووتنەوەی نیشتمانیی لوبنان

بزووتنەوەی نیشتمانیی لوبنان
دامەزران	١ی کانوونی دووەمی ١٩٦٩
کورتەناو	MNL
بەڕێوەبەر	کەمال جونبلات
وڵات	لوبنان
گۆڕدراوە لەلایەن	بەرەی بەرخۆدانی نیشتمانیی لوبنان
کۆتاییھاتن	١ی کانوونی دووەمی ١٩٨٢
لە ویکیدراوە دەستکاریی زانیارییەکان بکە

بزووتنەوەی نیشتمانیی لوبنان بەرەیەکە پێکھاتووە لە چەندین حیزب و بزووتنەوەی ناسیۆنالیستی و چەپ کە لە ساڵی ١٩٦٩ پێکھاتووە و بەڕاستی لە ساڵی ١٩٧٣ لەسەر بنەمای بەرنامەیەکی ھاوبەش دەستیپێکردووە کە داوای چاکسازی سیاسی و ئابووری دەکات، جگە لە ڕاگەیاندنی ڕوونی عەرەبیزمی لوبنان.

بزووتنەوەکە کە کەمال جونبلات سەرۆکایەتی دەکرد، کۆمەڵێک حیزبی لەخۆگرتبوو، ئەوانیش:

• حیزبی شیووعیی پێشکەوتنخواز.
• حیزبی شیووعیی لوبنان.
• ڕێکخراوی کاری شیووعیی.
• پارتی سۆسیال ناسیۆنالیستی سووریا.
• پارتی بەعس (ڕێکخراوی لایەنگری سووریا).
• حیزبی بەعس (ڕێکخراوی لایەنگری عێراق).
• و بزووتنەوەی سەربەخۆی ناسرییەکان.
• ڕێکخراوی جەماوەری ناسری.

لە سەرەتای شەڕەکەدا، بزووتنەوەکە ھاوپەیمانی لەگەڵ ڕێکخراوی ڕزگاریخوازی فەلەستین کرد دژی بەرەی ڕاستڕەوی لوبنانی کە زۆرینەی مەسیحییان ھەبوو. بزووتنەوەکە لە سەرەتای جەنگدا سەرکەوتنی سەربازی بەدەستھێنا، ئەمەش ڕێگەی پێدا نزیکەی ٨٠٪ی خاکی لوبنان کۆنترۆڵ بکات. بەڵام ھەر زوو بەھۆی ناکۆکی لەگەڵ سووریا دابەشبوون لە نێوان ئەندامەکانیدا سەریھەڵدا. بزووتنەوەکە چەندین گورزی توندی لێکەوتەوە بەھۆی دەستێوەردانی سەربازی سووریا لە مانگی حوزەیرانی ١٩٧٦ و تیرۆرکردنی کەمال جونبلات لە ١٦ی ئازاری ١٩٧٧. وەلید جونبلات کە شوێنی باوکی وەک سەرۆکی بزووتنەوەکە گرتەوە، زیاتر سەرنجی لەسەر ڕۆڵی خۆی وەک سەرکردەی حیزب و درووز بوو، و ھەوڵیدا پەیوەندییەکانی لەگەڵ سووریا باشتر بکات. بزووتنەوەکە بەشێکی زۆری ڕۆڵی خۆی لەدەستدا، و بە شێوەیەکی کاریگەر لەگەڵ لەشکرکێشی ئیسرائیل لە ساڵی ١٩٨٢دا ھەڵوەشایەوە.