ئەساسنز کرید ئۆدیسی

ئەساسنز کرید ئۆدیسی Assassin's Creed Odyssey
پەرەپێدەر	یوبیسۆفت کویبەک
بڵاوکەرەوە	یوبیسۆفت
دەرھێنەر	جۆنەثن دومۆنت سکۆت فلیپس
بەرھەمھێنەر	مارک-ئەلێکسیس کۆسێ
شێوەساز	جولین گالاودیک جۆردان ثیبۆوست
ھوونەرمەند	ثیری دێنسێریاو
نووسەر	جۆنەثن دومۆنت مێلیسا ماککۆوبری ھیوگۆ گیارد
ئاوازدانەر	زە فلایت
زنجیرە	ئەساسنز کرید
مۆتۆر	ئەنڤیڵ
سەکۆ	مایکرۆسۆفت ویندۆز، پلەی ستەیشن ٤، ئێکس بۆکس وەن و نینتێندۆ سویچ
بڵاوبوونەوە	مایکرۆسۆفت ویندۆز ٥ی تشرینی یەکەم ٢٠١٨ پلەی ستەیشن ٤ ئێکس بۆکس وەن ٥ی تشرینی یەکەم ٢٠١٨ نینتێندۆ سویچ (تەنھا لە ژاپۆن) ٥ی تشرینی یەکەم ٢٠١٨ گۆگڵ ستادیا ١٩ی تشرینی دووەم ٢٠١٩
چەشن	ڕۆڵبینینی ئەکشنە ،ئەکشن، سەرکێشی
شێواز	یاری تاکە کەسی

ئەساسنز کرید ئۆدیسی (بە ئینگلیزی: Assassin's Creed Odyssey) یارییەکی ڕۆڵبینینی ئەکشنە لەلایەن یوبیسۆفت کویبەک گەشەی پێدراوە و لەلایەن یوبیسۆفت بڵاوکراوەتەوە. یانزەیەمین بەشی زنجیرەی ئەساسنز کریدە و دوابەدوای یاری ئەساسنز کرید ئۆرجینز بڵاوکراوەتەوە. ڕوداوەکانی یارییەکە دەگەڕێنەوە بۆ ساڵانی ٤٣١–٤٢٢ی پێش زاین، چیرۆکی یارییەکە باسی میتۆلۆژیای یۆنانیی جەنگی پێڵۆپنیزەکان دەکات لە نێوان ئەسینا و سپارتا، یاریکەر جڵەوی شەڕکەری بەکرێگیراو لە یۆنانی کۆن دەگرێتە دەست کە بە دوو کارەکتەری جیاوز (ئەلێکسیۆس و کاسەندرا) دەردەکەوێت، لە ھەردوو بەرەی ململانێکە دەجەنگێت بۆ دۆزینەوە و یەکخستنەوەی خێزانەکەی.

ئەساسنز کرید ئۆدیسی لە ٥ی تشرینی یەکەم ٢٠١٨ بڵاوکرایەوە بۆ سەکۆکانی مایکرۆسۆفت ویندۆز، پلەی ستەیشن ٤، ئێکس بۆکس وەن و نینتێندۆ سویچ.

چیرۆک

ڕوداوەکانی ناو یارییەکە دەگەڕێنەوە بۆ ساڵانی ٤٣١ی پێش زاین لە ماوەی جەنگی پێڵۆپنیزەکان، جەنگەکە لەنێوان دوو لایەنی زۆر گەورە و بەھێزە کە سپارتا و ئەسینایە. یارییەکە باس لە جەنگاوەرێکی بەکرێگیراو دەکات بەناو ئەلێکسیۆس (یان کاسەندرا، ھەڵبژاردنی ھەریەکێکیان بەپێ خواستی یاریکەرە) کە شەڕکەرێکی سپارتانە و لە ھەردوو لایەنی شەڕەکە ڕۆڵدەبینێت کە لایەنی یەکەم سپارتا و لایەنی دووەم ئەسینایە، کارەکتەری ئەم یارییە بەھۆی ڕوداوێکەوە خێزانەکەی لێک پەرتەوازە بوە و ھەوڵی گەڕان و دۆزینەوە و یەکخستنەوەی ئەندامانی خێزانەکەی دەدات، لەم نێوەندەشدا یاریکەر چاوی بە چەندنین کەسایەتێکی میژوویی دەکەوێت وەک سوقرات، ئەفلاتوون، میژوونووس ھێرۆدۆت و سەرکردەکانی ئەسینا کلیون و پێریکلس، کە کەسایەتییەکانیان لەسەر شیوازی مێژوویی ڕاستەقینە وەرگیراوە.

یاریکردن

یاریکەر ڕۆڵی جەنگاوەرێکی بەتوانا دەگێڕێت و ھەردوو کارەکتەر (ئەلێکسیۆس و کاسەندرا) ھەمان چیرۆکیان لە یارییەکە ھەیە بەڵام کەسایەتیان جیاوازە، لە ھەر ئەرکێکی ناو یارییەکە چەندین دیالۆگ و داواکاری دێتە پێش کە یاریکەر خۆی ھەڵیاندەبژێرێت، ھەڵبژاردنی ھەر دیالۆگێک وادەکات کە یارییەکە بەو شێوەیە بڕوات کە یاریکەر ھەڵیبژاردووە، یارییەکە بە ٩ شێوازی جیاواز کۆتایی دێت و ھەر کۆتاییێکیش پەیوەندی بەو بژاردانەوە ھەیە کە یاریکەر ھەڵیبژاردووە. یارییەکە خاوەنی نەخشەیەکی گەورە و ڕەنگینە بەجۆرێک یاریکەر ھەر ناوچەیەکی بوێت دەتوانێت بۆی بچیت و بەپێی ئاست(ڵیڤڵ)ـی یاریکەر دەتوانێت شەڕی تێدابکات، یارییەکە شەڕی وشکانی و شەڕی سەر کەشتی و ناو ئاو لەخۆی دەگڕیت. وردەکارییەکی زۆر لە ھەر ناوچەیەک لە ناوچەکانی ناو یارییەکە بەکارھاتووە و ژمارەیەکی زۆر ئاژەڵ لەو یارییەدا بوونیان ھەیە بەجۆڕێک کە بەپێی سیستەمێک لەگەڵ خەڵکی ناوچەکە پێکەوە دەژین وەک ئەوەی بەڕاستی ھەست بە ژیانی ئەو سەردەمە مێژوویییە بکەی. شێوزی جەنگین و شەڕکردنی یاریکەر بەشیوەیەکی ئاکشن و ورد دروستکراوە بەجۆرێک چەندین تایبەتمەندی و جوڵەی جیاواز ھەن کە یاریکەر دەتوانێت بیانکاتەوە و بەکاریانبھێنیت، کە چێژێکی زیاتر و ڕاستەقینە تر بە یارییەکە دەبەخشێت.

سەرچاوەکان

• بعد التوقف لمدة عام کامل فی سلسلة Assassin’s Creed لإصدار Origins صدر الجزء الأخیر Assassin’s Creed Odyssey بعد سنة واحدة دون الانتظار المطول لە ڕێکەوتی ٢٤ی تشرینی یەکەم ٢٠٢٠ ھێنراوە.
• 5 حقائق حول لعبة Assassin’s Creed Odyssey تعرف علیھا قبل شرائھا.. لە ڕێکەوتی ٢٤ی تشرینی یەکەم ٢٠٢٠ ھێنراوە.
• ویکیپیدیای عەرەبی؛ أساسنز كريد أوديسي
• ویکیپیدیای ئینگلیزی؛ Assassin's Creed Odyssey

بەستەرە دەرەکییەکان

• وێبگەی فەرمی