ئەبوو حەبیب لیبی

ئەبوو حەبیب لیبی
بە عەرەبی: أبو حبيب الليبي
لەدایکبوون	(١٩٧٥-٠١-٠١) ١ی کانوونی دووەمی ١٩٧٥ Derna، لیبیا
دڵسۆزی	دەوڵەتی ئیسلامی
ناوی کاتی لەدایکبوون	حسن الصالحين صالح الشاعري
زمانی زگماکی	زمانی عەرەبی
زمانەکانی ئاخاوتن	زمانی عەرەبی
پیشە	terrorist
ئایین	سوننە
لە ویکیدراوە دەستکاریی زانیارییەکان بکە

حەسەن ئەلسەلاحین ساڵح شەعری ناسراو بە دەبوو حەبیب ئەللیبی (١٩٧٥)، کەسێکی لیبییە و ناسراوە بە سەرکردەیەکی باڵای دەوڵەتی ئیسلامی لە ھەردوو وڵاتی عێراق و لیبیا.

ژیان

لە دەرنە، لیبیا لە ساڵی ١٩٧٥ لەدایکبووە.

عێراق

دوای لەشکرکێشیی ٢٠٠٣ی عێراق، لە لیبیاوە گەشتی کرد بۆ عێراق بەناو سووریادا بۆ شەڕکردن دژی ھێزەکانی ھاوپەیمانان. لە ساڵی ٢٠٠٤ەوە ئەندامی ڕێکخراوی قاعیدە بووە لە عێراق و لەو کاتەوە ھاوکاری دەبوو عومەر توونسیش بووە. بەگوێرەی وەسفێکی وەزارەتی خەزێنەی ئەمریکا، ڕاھێنانی تایبەتی لەلایەن دەبوو موسعەب زەرقاوییەوە پێکراوە.

لە ٦ی ئەیلوولی ٢٠٠٥ لە کرابەلە لە پارێزگای ئەنبار لەلایەن ھێزەکانی ئەمریکاوە دەستگیرکرا. لە بەیاننامەیەکی ڕۆژنامەوانیدا کە لەو کاتەدا بڵاوکرایەوە، ئاماژە بەوە کرا کە دانی ناوە بەوەی کە ئەمیری بۆمبی چێندراو بووە لە کرابەلە و بەرپرسی جێبەجێکردنی چەندین تەقینەوە بووە دژی ھێزەکانی ھاوپەیمانان و ھێزە عێراقییەکان.

لیبیا

لە ناوەڕاستی ٢٠١٢، لە زیندانەکانی عێراق ئازاد کرا و گەڕایەوە لیبیا، لەوێ بەردەوام بوو لە پشتگیریکردنی دەوڵەتی ئیسلامی (داعش)، و لە کۆتایی ٢٠١٤دا لقێکی داعش لە لیبیا دامەزراند. سەدان ھەزار دۆلاری بە سەرکردەیەکی توونسیی داعش بە ناوی ئەبوو عومەر تونسی دا و کارمەندانی شارەزا و متمانەپێکراوی نارد بۆ یارمەتیدانی لە نێوان کۆتایی ٢٠١٢ و سەرەتای ٢٠١٣دا.

لەسەرەتای ساڵی ٢٠١٤دا، بەیعەتی دابوو بە ئەبووبەکر بەغدادی، سەرۆکی داعش، و لە کۆتایی ٢٠١٤دا کاروانە سەربازییەکانی داعشی لە دەرنە، لیبیا سەرکردایەتی دەکرد.

سزاکانی ئەمریکا و نەتەوە یەکگرتووەکان

لە ٢٩ی ئەیلوولی ٢٠١٥، لەلایەن وەزارەتی خەزێنەی ئەمریکاوە سزای بەسەردا سەپێندرا. لە ٢٩ی شوباتی ٢٠١٦، لەلایەن ئەنجومەنی ئاسایشی نەتەوە یەکگرتووەکانەوە سزای بەسەردا سەپێندرا.