ئیرەج قادری ئازەر

لە ئینسایکڵۆپیدیای ئازادی ویکیپیدیاوە
Jump to navigation Jump to search
ئیرەج قادری ئازەر
ژیلەمۆ
لەدایکبوون١٩٦٨
نیشتەجێیمەھاباد
نەتەوەکورد
پیشەشێوەکار


ئیرەج قادری ئازەر (لەدایکبووی ١٩٦٨ لە مەھاباد، ڕۆژھەڵاتی کوردستان) شێوەکارێکی کوردە.

ژیان[دەستکاری]

سەرەڕای ئەوەیکە ئیرەج قادری ئازەر لە مەھاباد لەدایک بووە، زۆربەی تەمەنی لە مەھاباد نەژیاوە و سەرەتا بەھۆی کاری باوکییەوە و لە دواتریشدا بەھۆی کاری خۆی، لە شارەکانی سنە، مەراغە، تەورێز، ئیسفەھان، ئەردەوێڵ و عەسەلوویە ژیانی بەسەر بردووە. ھەر لە منداڵییەوە حەزی لە نیگارکێشی بووە و وێنەی کێشاوەتەوە؛ لە تەمەنی یازدە ساڵییەوە (ساڵی ١٩٨٠) چووەتە فێرگەیەکی تایبەت لە سنە، تاوەکوو فێری وانەی شیوەکاری بێت، ھەروەھا ساڵی ١٩٨٣ لە تەورێز لەلای «کامران کامرانی» فێری چۆنییەتی ڕەنگکردن بووە. دواتر لەبەر گوشاری بنەماڵە وازی لە نیگارکێشی ھێناوە و ئەندازیاری تەواو کردووە و بووەتە بە ئەندازیار، ھەتاکوو ساڵی ٢٠١٩ گەڕاوەتەوە مەھاباد و ئەندازیاری وەلا ناوە و بە فەرمی دەستی بە شێوەکاری کردووە.[١] نەورۆزی ساڵی ٢٧١٩ پێشانگایەکی لە شاری مەھاباد بەڕێوە بردووە، کە تێیدا ٢٠ دانە لە بەرھەمەکانی کە لەسەر شێوازەکانی ڕیالیزم، سوریالیزم و مینیاتۆر بوون، پیشان دران.[٢]

شێواز[دەستکاری]

زۆربەی بەرھەمەکانی ئیرەج قادری ئازەر تایبەت بە مێژوو، فەرھەنگ و وێژەی کوردین و ئەوەش بۆ حەزی شێوەکار خۆی دەگەڕێتەوە و ئامانجی ئەوەیە بەشێک لەو کەلتوور و مێژوویە بۆ گەل و بۆ داھاتوو تۆمار بکات. بیرۆکەی بەرھەمەکانی ھی خۆیەتی، بەڵام جاروبار لە ھەندێک وێنەی تایبەت یان مێژوویش کاریگەری وەردەگرێت. ئیرەج قادری ئازەر کاری دیزاینی ڕووبەرگی کتێبیش دەکات و «شەڕی قەڵای دمدم» لە بەرھەمەکانی تری ڕەنگدانەوەی زیاتر بووە.

بەرھەمەکان[دەستکاری]

تابلۆکان[دەستکاری]

  • شەڕی قەڵای دمدم
  • مانگی گوڵان
  • دایکی نیشتمان
  • ژیلەمۆ
  • گوڵ وەنەوشە
  • گوڵی خوێناوی
  • ژنانی بەھار
  • ژوان
  • پیاوانی نەسووتی پاوە
  • دوو کچەشۆخی لادێی
  • ناسۆری تەشەنا
  • ناڵەی جودایی
  • مامۆستا ھێمن
  • محەممەد ماملێ
  • حەسەن زیرەک
  • تایەر تۆفیق
  • عەزیز شاھڕۆخ
  • چاوەڕوان
  • لاس و خەزاڵ
  • لەیلا و مەجنوون
  • سێ پیاو بە جلوبەرگی کوردییەوە لە گەڕەکی باغی سیسەی مەھاباد (لە ڕووی وێنەیەکی ئەلکساندەر ھەیاس کە بۆ ساڵی ١٩٠٣ دەگەڕێتەوە)

ڕووبەرگی کتێب[دەستکاری]

  • دایک
  • خانی لەپ زێڕین و شەڕی شەش مانگەی قەڵای دمدم لە نووسینی محەممەد گۆران
  • وەرگێڕانی فارسیی کتێبی کورد کێیەی سۆران حەمەڕەش

سەرچاوەکان[دەستکاری]

  1. ^ ئارتیکڵ، کوردسات نیووز، ١٣ی ئەیلوولی ٢٠٢١
  2. ^ "نمایشگاە نقاشی در مھاباد گشایش یافت". ایرنا (بە فارسی).