ئەبوو سلێمان یوونسی کاتب
ئەبوو سلێمان یوونس | |
|---|---|
 | |
| مەرگ | ١٣٥ ی کۆچی مانگی |
| نەتەوە | کورد |
| پیشە | نووسەر، شاعیر، موسیقار |
ئەبوو سلێمان یوونسی کاتێب کوڕی سلێمان کوری کورد کوری شەھریاری کوردی، نووسەر و شاعیر و موسیقارێکی گەورەی دەورانی خۆی بووە. بابی لە ناوچەیەکی کوردەوارییەوە بەرەوە شاری مەدینە باری کردووە و یوونس لەوێ لە دایک بووە و خوێندنی تەواو کردووە و لە بواری نووسەری و شیعر و شاعیریدا ھەڵی داوە و ئیشی دەبیری دیوانی میری مەدینەی پێ سپێراوە. ھاوکات ژەندنی ساز و خوێندنی ئاوازی لە لای مامۆستایانی وەک (معبد) و (ابن محرز) خوێندووە و فێریان بووە. سەفەرێکی بۆ شام کردووە و وەلیدی کوڕی یەزید زۆری خۆشویستووە و کە بووەتە فەرمانڕەوا، لە مەدینە ھێناوییەتییە لای خۆی و تا ھەبووە لە پەنای خۆی ڕای گرتووە و کە کوژراوە،[١] یوونس گەڕاوەتەوە مەدینە.
ئەبولفەرەجی ئەسفەھانی، خاوەنی کتێبی (الاغانی)، دەنوسێ: ((یوونس دەنگی خۆش بوو، لە ھونەر و زانستی موسیقادا نوێکارییەکی تایبەت بەھۆی بە خۆی ھەبوو، شیعری جوانی دەھۆنییەوە و ڕاو بۆچوونی لە بواری مۆسیقادا جێی متمانەی ھەموان بووە، یەکەم کەسە دەزگاکانی مۆسیقای کردووەتە کتێب و ڕست و ڕێسای بۆ داناوە. ئەبولفەرەج کۆچی یەکجاری ئەبوسلێمانی دەوری ساڵی ١٣٥ی کۆچی مانگی نووسیوە.[٢]
سەرچاوەکان
[دەستکاری]- مێژووی ناودارانی کورد: بابە شێخ مەردۆخ ڕۆحانی
- الاغانی، ابوالفرج اصفھانی، چاپی٦، بەرگی ٤، لاپەرە١١٣–١١٨،
- الاعلام، زرکلی، بەرگی ٩، لاپەڕەی ٣٤٤،
- تاریخ ادبیات ایران، جلال ھمایی، بەرگی ٢، لاپەڕەی ١١٩.
- تاریخ مشاھیر کرد، جلد اول: عرفا، علما، ادبا، شعرا
