ئاڵای گرینلاند
| ئاڵای گرینلاند | |
|---|---|
 | |
| دامەزران | ٢١ی حوزەیرانی ١٩٨٥ |
| وڵات | دانمارک |
| دەسەڵاتی دادوەری دەگرێتەوە | گرینلاند |
| وڵاتی بنەڕەت | گرینلاند |
| ڕێژەی ڕووبەر | 3:2 |
| ڕەنگ | سپی، سوور |
| شێوەساز | Thue Christiansen |
| دەقی سەرەکی ڕێکخراوەیی | Flag of Greenland Act، Q120379231 |
ئاڵای گرینلاند پێکدێت لە دوو ھێڵی ئاسۆییی یەکسان بە ڕەنگی سپی (سەرەوە) و سوور (خوارەوە) لەگەڵ بازنەیەکی سوور و سپی کە ڕەنگەکانی پێچەوانە کراوەتەوە.[١] ناوچەی گرینلاند بەشێکی خۆبەڕێوەبەرە لە شانشینی دانیمارک.
ناوی ناوخۆیییەکەی بە زمانی گرینلاندی بریتییە لە «ئێرفالاسۆرپووت»، کە بە واتای «ئاڵای ئێمە» دێت.
مێژوو
[دەستکاری]بۆ یەکەمجار گرینلاند لە ساڵی ١٩٧٣دا بیری لە ھەبوونی ئاڵای تایبەت بە خۆی کردەوە، کاتێک پێنج گرینلاندی پێشنیاری ئاڵایەکی سەوز، سپی و شینیان کرد. ساڵی دوواتر، ڕۆژنامەیەک داوای ١١ پێشنیاری دیزاینی کرد (کە ھەموویان جگە لە دانەیەک ئاڵای خاچی نۆردیک بوون) و ڕاپرسییەکی لە نێوان خەڵکدا کرد بۆ دیاریکردنی جەماوەریترین دیزاین.[٢]
لیژنەی بڕیاردەر نەیتوانی بگاتە کۆدەنگی، بۆیە داوای پێشنیاری زیاتر کرا. لە کۆتاییدا، دیزاینە سوور و سپییەکەی ئێستای تۆ کریستیانسن بە جیاوازییەکی کەم و بە دەنگی ١٤ بەرامبەر ١١، بەسەر خاچێکی نۆردیکی سەوز و سپیدا سەرکەوت.[٣] ئاڵا سوور و سپییەکەی کریستیانسن بە فەرمی لە ٢١ی حوزەیرانی ١٩٨٥دا پەسەند کرا.
بۆ ڕێزلێنان لە ١٠یەمین ساڵیادی ئاڵاکە، نووسینگەی پۆستەی گرینلاند مۆری پۆستەی یادگاری و نامیلکەیەکی لەلایەن دروستکەری ئاڵاکەوە بڵاو کردەوە. ئەو ھێڵە سپییەکەی بە نیشاندەری سەھۆڵبەندان و کڵاوە سەھۆڵینەکان وەسف کرد، کە زیاتر لە ٨٠٪ی دوورگەکە دادەپۆشن؛ ھێڵە سوورەکە بۆ زەریا؛ نیوەبازنە سوورەکە بۆ خۆر، کە بەشە خوارەوەکەی لە ناو زەریادا نوقم بووە؛ و نیوەبازنە سپییەکە بۆ کێوە سەھۆڵینەکان و سەھۆڵە کۆبووەوەکان. دیزاینەکە ھەروەھا وەبیرھێنەرەوەی ئاوابوونی «خۆر»ە کە بە نیوەیی لەژێر ئاسۆدا نوقم بووە و ڕەنگی داوەتەوە لەسەر دەریا. لە ساڵی ١٩٨٥دا، ڕاپۆرت کرا کە ئاڵای گرینلاند ڕێک ھەمان شێوەی ئاڵای یانەی بەلەمسواریی دانیمارکی ھێی ڕۆسپۆرتی ھەیە، کە پێش ھەڵبژاردنی ئاڵای گرینلاند دامەزرابوو. ڕوون نییە کە ئایا ئەمە حاڵەتێکی دزیی وێژەیییە یان تەنھا ڕێکەوتە، بەڵام یانەی بەلەمسوارییەکە مۆڵەتی بە گرینلاند دا ئاڵاکەیان بەکار بھێنێت.[٤]
ڕەنگەکانی ئاڵاکە ھەمان ڕەنگەکانی ئاڵای دانمارکن، کە ھێمای شوێنی گرینلاندە لە قەڵەمڕەوی دانیمارکدا.[٥]
پێشانگا
[دەستکاری]- وێنەکانی ئاڵای گرینلاند
ئاڵای گرینلاند بە شێوەی ستوونی لەسەر باڵەخانەی نیشتەجێبوونی «بلۆک پی» لە «نووک» نیشان دراوە
خوێندکاران لە «ئوپێرناڤیک» لەگەڵ ئاڵاکان
- ئاڵا مێژووییەکانی گرینلاند
ئاڵای بەشی بازرگانیی شاھانەی گرینلاند کە پێش ساڵی ١٩٠٨ بەکار دەھات
ئاڵای دانیمارک پێش ئەوەی ئاڵای گرینلاندی ببێتە فەرمی، بەکار دەھات.
.svg)
- ئاڵا پێشنیارکراوەکانی گرینلاند[٦]
یەکەم ئاڵای پێشنیارکراوی گرینلاند (١٩٧٣)
ئاڵای پێشنیارکراوی گرینلاند لەلایەن ستیفن پیتێرسن (١٩٧٤)
ئاڵای پێشنیارکراوی گرینلاند لەلایەن سڤێن تیتۆ ئاچێن (١٩٨٤)
ئاڵای پێشنیارکراوی گرینلاند لەلایەن ئەندەرسۆن (١٩٩١)
.svg)
.svg)
.svg)
.svg)
ئەمانەش ببینە
[دەستکاری]سەرچاوەکان
[دەستکاری]- ↑ «Greenland's flag». Nordic Council. لە ڕەسەنەکە لە ١٥ی ئازاری ٢٠١٢ ئەرشیڤ کراوە. لە ٨ی ئایاری ٢٠١٢ ھێنراوە.
- ↑ Sørensen، Axel Kjær (٢٠٠٩). Denmark-Greenland in the Twentieth Century (بە ئینگلیزی). Museum Tusculanum Press. ژپنک ٩٧٨٨٧٦٣٥١٢٧٦٣.
- ↑ «Nu vajer det grønlandske flag over Danmark». ٢١ی حوزەیرانی ٢٠١٦. لە ٢٤ی حوزەیرانی ٢٠١٦ ھێنراوە.
- ↑ «(Danish) Grønland må gerne bruge roklub-flag». Politiken. ٣ی تشرینی یەکەمی ٢٠٠٦. لە ١٥ی تەممووزی ٢٠١٤ ھێنراوە.
- ↑ «The Greenland Flag». Nordic Co-operation. لە ڕەسەنەکە لە ٤ی ئازاری ٢٠١٨ ئەرشیڤ کراوە.
- ↑ «Flag of Greenland – A Brief History» (PDF). Flagmakers.co.uk.
بەستەرە دەرەکییەکان
[دەستکاری]
- FOTW: گرینلاند – مێژووی ئاڵاکە
- پێشنیارەکانی تری ئاڵا بۆ دیزاینی خاچی نۆردیک
- http://www.flagscorner.com/greenland-flag/ 17 February 2020 لە وەیبەک مەشین ئەرشیڤ کراوە.