ئاڵای قەتەر
| ئاڵای قەتەر | |
|---|---|
 | |
| دامەزران | ٩ی تەممووزی ١٩٧١ |
| دەسەڵاتی دادوەری دەگرێتەوە | قەتەر |
| چەشن | ئاڵایەکی دوو ڕەنگی ستوونی |
| ڕێژەی ڕووبەر | 28:11 |
| ڕەنگ | سپی، maroon |
| وێنا دەکات | کێڵگە، فلانچ |
| شێوەساز | Abdullah bin Jassim Al Thani |
ئاڵای قەتەر (بە عەرەبی: عَلَمُ قَطَرَ) بە ڕێژەی ١١:٢٨ـە. ڕەنگەکەی ماڕۆنی یاخود ترێیی (قاوەییی سوورباو)ە لەگەڵ ھێڵێکی سپیی ددانەدار (سێگۆشەدار)ی پان کە نۆ ددانەی لە لای دارەکە ھەیە. کەمێک پێش ئەوەی وڵاتەکە لە ٣ی ئەیلوولی ١٩٧١دا سەربەخۆییی خۆی لە شانشینی یەکگرتوو ڕابگەیەنێت، وەک گۆڕانکارییەکی کەمی ڕەنگ لە ئاڵایەکی پێشووتر کە لە ساڵی ١٩٤٩دا پەسەند کرابوو، وەرگیرا. لێوارە سێگۆشەیییەکان نوێنەرایەتیی قەتەر دەکەن وەک ٩یەمین «میرنشینی ئاشتەوایی».
ئاڵاکە ھاوشێوەی ئاڵای بەحرەینـە، بەڵام ئاڵای بەحرەین ددانەی کەمتری ھەیە، ڕێژەکەی ٣:٥ـە، و ڕەنگی سوورە لەبری ماڕۆنی بەکارھاتووە. ئاڵای قەتەر تەنھا ئاڵای نیشتمانییە کە پانییەکەی زیاتر لە دوو ئەوەندەی بەرزییەکەیەتی.[١]
مێژوو
[دەستکاری]ئاڵای مێژووییی قەتەر سوورێکی سادە بوو، بەپێی ئەو ئاڵا سوورەی کە بە شێوەیەکی نەریتی لەلایەن ڕێبەری خەواریج قەتەری بن فوجائە بەکار دەھێنرا.[٢] لە سەدەی ١٩یەمدا، وڵاتەکە ئاڵا تەواو سوورەکەی خۆی بە زیادکردنی ھێڵێکی ستوونیی سپی لە لای دارەکە دەستکاری کرد بۆ ئەوەی لەگەڵ ڕێنمایییەکانی بەریتانیا بگونجێت.[٣] دوای ئەم زیادکردنە، شێخ محەممەد بن سانی بە فەرمی ئاڵایەکی سوورباوی مۆر و سپیی نەخشێنراوی پەسەند کرد کە لێکچوونێکی زۆری لەگەڵ شێوە مۆدێرنەکەیدا ھەبوو.[٤] لە ساڵی ١٩٣٢دا چەندین زیادکردن بۆ ئاڵای قەتەر کرا، کە لێوارە ددانەدارە نۆ خاڵییەکە، یان ئەڵماسەکان یان وشەی «قەتەر» لە دیزاینەکەیدا جێگیر کران.[٤] ڕەنگی ماڕۆننی لە ساڵی ١٩٣٦دا جێگیر کرا. لە ساڵانی ١٩٦٠دا، شێخ عەلی ئال سانی وشەکان و ئەڵماسەکانی لە ئاڵاکە سڕییەوە.[٤] ئاڵاکە بە فەرمی لە ٩ی تەممووزی ١٩٧١دا پەسەند کرا و بە کردەوە ھاوشێوەی ئاڵای ساڵانی ١٩٦٠ بوو، جگە لە ڕێژەی بەرزی بۆ پانی.[٤]
ھێماکان
[دەستکاری].jpg)
نۆ خاڵە ددانەدارەکە نوێنەرایەتیی پێگەی قەتەر دەکەن وەک نۆیەمین «میرنشینی ئاشتەوایی» بۆ واژووکردنی پەیماننامەی ١٩١٦ی قەتەری-بەریتانی، دوای بەحرەین، دوبەی، ئەبووزەبی، عەجمان، فوجەیرە، شارقە، ڕەئس ئەلخەیمە و ئوم ئەلقوەین.[٥] سپی ئاماژەیە بۆ ئاشتی، لەکاتێکدا ڕەنگی ماڕۆنی ڕەنگدانەوەی میراتیی دەوڵەمەندی نەتەوەکەیە لە بەرھەمھێنانی ڕەنگی مۆردا—پیشەیەک کە مێژووەکەی دەگەڕێتەوە بۆ سەردەمی کاسییەکان و ساسانییەکان.[٣]
لە ساڵی ٢٠١٢دا، حکوومەتی قەتەر پلەی ڕەنگی وردی ئاڵای قەتەری وەک پانتۆن ١٩٥٥ سی، یان «ماڕۆنیی قەتەر» پێناسە کرد.[٦][٧][٨] مێژووی ڕەنگی مۆر لە وڵاتەکەدا بۆ چەندین سەدە دەگەڕێتەوە.[٤] بانگەشەی ئەوە کراوە کە قەتەر شوێنی کۆنترین بەرھەمھێنانی ناسراوی ڕەنگی سەدەف بووە لە سەردەمی دەسەڵاتی کاسییەکاندا بە ھۆی بوونی پیشەسازیی ڕەنگی مۆر لەسەر دوورگەکانی ئەلخوڕ.[٩][١٠] قەتەر ھەروەھا بە بەرھەمھێنانی ڕەنگی مۆر لە سەردەمی دەسەڵاتی ئیمپراتۆریەتیی ساسانیدا ناسرابوو.[١١] محەممەد بن سانی، کە لە ساڵی ١٨٤٧ تا ١٨٧٦ فەرمانڕەواییی کردووە، پێشنیاری دروستکردنی ئاڵایەکی بە ڕەنگی سووری مۆر کرد بە مەبەستی یەکخستنی دەوڵەت و تیشک خستنە سەر ڕۆڵە مێژوویییەکەی لە بەرھەمھێنانی ڕەنگدا. لە ساڵی ١٩٣٢دا، ھێزی دەریاییی بەریتانیا پێشنیاری کرد کە ئاڵایەکی فەرمی دیزاین بکرێت. بە بۆچوونی حکوومەتی قەتەر، بەریتانییەکان پێشنیاریان کرد کە ئاڵاکە سپی و سوور بێت، بەڵام قەتەر ڕەنگی سووری ڕەت کردەوە و لەبری ئەوە بەردەوام بوو لە بەکارھێنانی تێکەڵەیەک لە مۆر و سوور وەک جیگرەوەیەک.[٤] بە بۆچوونی نامەکانی بریکاری ڕامیاریی بەریتانی لە کەنداوی فارس بۆ ھیندستانی بەریتانی، پارچە سپییەکە لە بەحرەین کڕدراوە و لە بنەڕەتدا لە ناوخۆدا بە ڕەنگی سوور ڕەنگ کراوە. ئەو ڕەنگەی لە ناوخۆدا کڕدراوە کوالێتییەکەی خراپ بووە و بە خێرایی کاڵ بووەتەوە، ئەمەش بووەتە ھۆی ئەوەی ئاڵاکە ڕەنگی شوکولاتە بگرێت دوای ئەوەی لە لایەن خۆری گەرمی بیابانەوە تۆخ کراوەتەوە.[١٢] ئەمەش لە کۆتاییدا بووە ھۆی وەرگرتنی ڕەنگی ماروونی لە ساڵی ١٩٣٦دا.[٤] بەشە سپییەکەی ئاڵاکە ھێمای ئەو ئاشتییەیە کە لە واژووکردنی پەیماننامەکانی دژە چەتەیی دەریایی لەگەڵ بەریتانییەکان بەدەست ھاتووە.
| شێوازی ڕەنگەکان | سپی | ماڕۆننی |
|---|---|---|
| پانتۆن | سپی | 1955 C |
| ئاڕ-ئەی-ئێڵ | 9016 | 3003 |
| سی-ئێم-وای-کەی | 0-0-0-0 | 0-85-59-46 |
| ھێکس | #FFFFFF | #8A1538 |
| ئاڕ-جی-بی | 255-255-255 | 138-21-56 |
نەخشەی سازکردن
[دەستکاری]
نەخشەی سازکردنی ئاڵا
.svg)
ئاڵا مێژوویییەکان
[دەستکاری]- گەشەسەندنی ئاڵای قەتەر
سەدەی ١٨یەم – ١٨٦٠
١٨٦٠–١٩١٦، ١٩١٦–١٩٣٢
١٩١٦
١٩٣٢–١٩٣٦
١٩٣٦–١٩٤٩
١٩٤٩–١٩٧١
١٩٧١–ئێستا
.svg)
.svg)
.svg)
.svg)
.svg)
سەرچاوەکان
[دەستکاری]- ↑ ".(28:11) عند استخدام العلم خارج المبانی، داخل دولة قطر، فإنە یجب أن تکون النسبة بین طول وعرض العلم" (When using a flag outside of buildings within the State of Qatar, the ratio between the length and the width of the flag should be 11:28.) - Law No. 14 on the Flag of Qatar - Qatar Legal Portal
- ↑ Complete Flags of the World (DK). DK Publishing. ٢٠١٤. لاپەڕە ١٨٥. ژپنک ٩٧٨-١٤٠٩٣٥٣٧١٣.
- 1 2 «Imperial era flag of Qatar». British Empire in the Middle East. لە ٧ی ئایاری ٢٠١٥ ھێنراوە.
- 1 2 3 4 5 6 7 «Al Adaam.. History of a Nation». Qatar e-Government. لە ٥ی ئایاری ٢٠٢١ لە ڕەسەنەکەوە ئەرشیڤ کراوە. لە ٢٨ی کانوونی دووەمی ٢٠١٥ ھێنراوە.
- ↑ «The World Factbook — Central Intelligence Agency». ١ی تەممووزی ٢٠١٧. لە ڕەسەنەکە لە ١ی تەممووزی ٢٠١٧ ئەرشیڤ کراوە. لە ٦ی کانوونی یەکەمی ٢٠٢٠ ھێنراوە.
- ↑ «Law No. 14 of 2012 Concerning the Qatari Flag, Annex No. 1».
- ↑ «Qatar's flag». World Atlas. لە ٧ی ئایاری ٢٠١٥ ھێنراوە.
- ↑ mohdnoor (١٢ی کانوونی دووەمی ٢٠١٥). «Qatar's national color is Pantone 1955 C (not maroon)». Qatar Living (بە ئینگلیزی). لە ڕەسەنەکە لە ٢٨ی کانوونی یەکەمی ٢٠١٧ ئەرشیڤ کراوە. لە ٢٠ی تشرینی یەکەمی ٢٠١٧ ھێنراوە.
- ↑ Sterman، Baruch (٢٠١٢). Rarest Blue: The Remarkable Story Of An Ancient Color Lost To History And Rediscovered. Lyons Press. لاپەڕە ٢١–٢٢. ژپنک ٩٧٨-٠٧٦٢٧٨٢٢٢٢.
- ↑ Khalifa، Haya؛ Rice، Michael (١٩٨٦). Bahrain Through the Ages: The Archaeology. Routledge. لاپەڕە ٧٩, ٢١٥. ژپنک ٩٧٨-٠٧١٠٣٠١١٢٣.
- ↑ «Qatar - Early history». globalsecurity.org. لە ١٧ی کانوونی دووەمی ٢٠١٥ ھێنراوە.
- ↑ British Library: India Office Records and Private Paper (١١ی حوزەیرانی ١٩٣٦). «Coll 30/15 'Anthems and Flags of Various States. Bahrein [Bahrain], Koweit [Kuwait], Muscat, Asir, Yemen, Qatar, Trucial, Oman' [16r] (31/261)». Qatar National Library. لاپەڕە ٣١.
