ئاڵای بەحرەین

ئاڵای بەحرەین
دامەزران	١٤ی شوباتی ٢٠٠٢
دەسەڵاتی دادوەری دەگرێتەوە	بەحرەین
چەشن	ئاڵایەکی دوو ڕەنگی ستوونی
ڕێژەی ڕووبەر	5:3
ڕەنگ	سوور، سپی
وێنا دەکات	کێڵگە، فلانچ
لە ویکیدراوە دەستکاریی زانیارییەکان بکە

ئاڵای بەحرەین لە ١٤ی شوباتی ٢٠٠٢دا پەسەند کرا. سوور ئەو ڕەنگەیە کە لە ئاڵای ئەو وڵاتانەی لە کەنداوی فارس ھەڵکەوتوون بەکار دەھێنرێت و لە لای دارەکەوە ھێڵێکی سپی کێشراوە. ڕەنگی سوور و سپی بە پێنج ددانە (سێگۆشە) لە یەکتر جیا کراونەتەوە. پێنج ددانەکە بە واتای پێنج پایەکەی ئیسلام دێن. ڕەنگی سوور بە واتای خوێنی شەھیدان و ئەو شەڕانەیە کە بەحرەین تێیدا بەشداریی کردووە، سپیش بە واتای ئاشتی دێت. لە کاتێکدا دەگوترێت کە سوور ڕەنگێکی ستاندارد و ھەڵکەوتووە لە ئاڵای وڵاتانی خەلیج و سپیش ئاماژەیە بۆ ئەو پەیماننامەیەی کە لە نێوان میللەت و ئیمپراتۆریەتیی بەریتانیا واژۆ کراوە.

ئاڵای بەحرەین کە تا پێش ساڵی ١٨٢٠ بەکار دەھات تەنھا لە یەک ڕەنگی سوور پێکھاتبوو، بەڵام لە ساڵی ١٨٢٠دا ھێڵێکی سپی تەنکی بۆ زیاد کرا. لە ساڵی ١٩٣٢دا بۆ جیاکردنەوەی لە ئاڵای وڵاتی دراوسێ، قەتەر، ٢٨ ددانە زیاد کرا و لە ساڵی ١٩٧٢دا ددانەکان بۆ ٨ ددانە کەم کرانەوە. لە ساڵی ٢٠٠٢دا ددانەکان بۆ ٥ ددانە گۆڕدران و تا ئەمڕۆ بەو شێوەیە ماوەتەوە.

دیزاین

ڕەنگەکان

ڕەنگ	سپی	سوور
RGB	255–255–255 (#FFFFFF)	218–41–28 (#DA291C)

پەڕەی سازدان

• 
  پەڕەی سازدانی ئاڵاکە

بەکارھێنان

حەمەد بن عیسا ئال خەلیفە (لای ڕاست) لە پێش ئاڵا شاھانەکەی لە ١٦ی تشرینی دووەمی ٢٠٢١ لەگەڵ سەرۆککۆماری بەڕازیل (لای چەپ)

ئاڵاکە لە وشکانی و دەریادا وەک ئاڵای نیشتمانی، شارستانی و جەنگی بەکار دەھێنرێت. لە ساڵی ٢٠٠٢دا، پاشای بەحرەین حەمەد بن عیسا ئال خەلیفە، مەرسوومی بە یاسای ژمارە (٤) بۆ ساڵی ٢٠٠٢ دەرکرد، کە پەیوەندی بە ئاڵاکەوە ھەبوو:

• ماددەی یەکەم: ئاڵای شانشینی بەحرەین شێوەیەکی لاکێشەیی وەردەگرێت، و دابەش دەبێت بۆ دوو بەشی سەرەکی؛ یەکەمیان بە ڕەنگی سوور، و ئەویتریان بە ڕەنگی سپی.
• ماددەی دووەم: پاشا ئاڵای تایبەت بە خۆی دەبێت، کە فەرمانێکی شاھانەی بۆ دەردەچێت بۆ دیاریکردنی شێوە، پێوانە و شوێنەکانی.
• ماددەی سێیەم: ئاڵای شانشینی بەحرەین لەسەر دیوانی شاھانە، کۆشکەکان، تەلارە حکوومییەکان، دامەزراوە گشتییەکان، باڵیۆزخانەکان، نووسینگە بەحرەینییەکان لە دەرەوە، و کەشتییە بەحرەینییەکان بەرز دەکرێتەوە.
• ماددەی چوارەم: ھەر کەشتییەکی نایابەحرەینی کە دەچێتە ناو ئاوە ھەرێمییەکانی شانشینی بەحرەینەوە، دەبێت ئاڵای شانشینەکە بەرز بکاتەوە، و ئاڵاکە بە بەرزی دەھێڵێتەوە تاوەکوو لە ئاوە ھەرێمییەکانی شانشینەکە دەردەچێت.
• ماددەی پێنجەم: ئاڵاکە لەسەر تەلارە حکوومییەکان و دامەزراوە گشتییەکان لە کاتی پشووە گشتییەکان و بۆنەکاندا لە خۆرھەڵاتنەوە تا خۆرئاوابوون بەرز دەکرێتەوە.
• ماددەی شەشەم: ئاڵای شانشینی بەحرەین لەسەر ئۆتۆمبێلەکان بەرز ناکرێتەوە، جگە لە ئۆتۆمبێلە فەرمییەکانی پڕۆتۆکۆڵ.
• ماددەی حەوتەم: ئاڵای شانشینی بەحرەین لە کاتی شینگێڕیدا بۆ نیوە دادەگیرێت.
• ماددەی ھەشتەم: ئاڵای شانشینی بەحرەین بۆ مەبەستی بازرگانی بەکار ناھێنرێت.
• ماددەی نۆیەم: لە حاڵەتێکدا ئاڵاکە بە پێچەوانەوە بەکار بھێنرێت، وەک ئەوەی لە یاسای سەرەوەدا دیاری نەکراوە، سزای زیندانیکردن بۆ ماوەی یەک مانگ وەک ئەوپەڕی، یان غەرامەیەک کە لە ١٠٠ دیناری بەحرەینی تێنەپەڕێت، یان ھەردووکیان بەسەریدا دەسەپێنرێت.

ئاڵاکانی تر

• 
  ئاڵای شاھانەی بەحرەین
• 
  ئاڵای ھێزی بەرگریی بەحرەین
• 
  ئاڵای ھێزی دەریاییی شاھانەی بەحرەین
• 
  ئاڵای ھێزی ئاسمانیی شاھانەی بەحرەین
• 
  ئاڵای سوپای بەحرەین

ئاڵا مێژوویییەکان

• 
  پێش ساڵی ١٨٢٠
• 
  ١٨٢٠–١٩٣٢
• 
  ١٩٣٢–١٩٧٢
• 
  ئاڵای شاھانەی ١٩٣٢–١٩٧٢
• 
  ١٩٧٢–٢٠٠٢
• 
  ئاڵای شاھانەی ١٩٧٢–٢٠٠٢