ئاوات بۆکانی
 | ئەم وتارە ئاماژەی بە ھیچ سەرچاوەیەک نەداوە. تکایە بە دانانی ئاماژە بۆ سەرچاوە بڕواپێکراوەکان، ئەم وتارە باشتر بکە. دەقە بێسەرچاوەکان لەوانەیە داوای سەرچاوەیان لێ بکرێت یان لاببرێن. |
| ئاوات بۆکانی | |
|---|---|
| لەدایکبوون | ٢٧ی نیسانی ١٩٨٧ ئەربەنووس - بۆکان - ڕۆژھەڵاتی کوردستان |
| نیشتەجێ | کۆیە - باشووری کوردستان |
| نەتەوە |  کوردستان |
| ناوەکانی تر | ئاوات سولەیمانی |
| نەژاد | کورد |
| پیشە | بەندبێژ |
| ناوبانگ | بەندبێژی - گۆرانیبێژی - ئیمپراتۆری مللی |
| منداڵەکان | ئانیا |
| دایک و باوک | سابیر (باوک) |
| ماڵپەڕ | |
| http://awatmusic.com | |
ئاوات سابیر (ناسراو بە ئاوات بۆکانی) گۆرانیبێژ و شاعیری لەدایک بووی ساڵی ١٩٨٧ی گوندی ئەربەنووسی سەر بە شاری بۆکانی ڕۆژھەڵاتی کوردستانە.
بنەماڵە و ژیانی پێش ھونەرمەندی[دەستکاری]
بنەماڵەی مام سابیر ٤ کوڕ بە ناوەکانی ئارام و ئاوات و محەممەد و ئەندام و ھەروەھا ٢ کچیان ھەیە.
لە ٧ ساڵی ئاوات چوو بۆ قوتابخانە و دەرس خوێندن تا پۆلی ٥ی سەرەتایی زمانی فارسی یەکەم کەس بوو لە پۆلی خۆی دا، لە پۆلی ٦دا بوو بە دووھەم و لە پۆلی ٧دا بە زۆری تەواوی کرد و دوواتر وازی لە خوێندن ھێنا.
ساڵێکی بە کاری مەزرا و باغ تێپەڕ کرد و دوواتر ھاتن بۆ شاری بۆکان و ٢ساڵ و نیو لەوێ ژیانی بردەسەر.
ئەوکات کە سابیری باوکی ٥٠ ساڵی تەمەن بوو و لەگەڵ ژن و منداڵ لەبەر نەبوونی و سەختی ژیان و فەقیری ڕۆییشتن بۆ باشووری کوردستان.
ئاوات شان بە شانی باوکی ٦ساڵ لە باشوور کاشی‌کاری دەکەن. بنەماڵەیەکی فەقیر و ژیانێکی سەختیان ھەبوو. ئارام (برا گەورەی ئاوات) ئەوکات دەچێتە بەردەست زیکۆ مۆسیقاژەن بۆ فێربوونی ساز.
دەستپێکردنی کاری ھونەری[دەستکاری]
ئاوات لە ڕۆژھەڵات دەچوو بۆ زەماوەند و گۆرانی گوتن و ئەوکات ئارام (برای ئاوات بۆ یەکەم جار گەعدەی دووقۆڵی لەگەڵ ھونەرمەند بەختیار سەردەشتی (برای مامۆستا ئیسماعیل سەردەشتی نەمر) و ئاوات بۆکانی دادەنێن کە زیکۆ و فەرمان سازەکەیان لێ دەدا. ئەوکات زیکۆ و فەرمان لەگەڵ بەرھەم شەمامی بوون کە زیکۆ ئاوات دەبینێ و قسەی لەگەڵ دەکات کە ھاوکاریان بکات و بە ھونەرمەندی ئاوات بۆکانی و بە سازی زیکۆ و فەرمان تیپی مۆسیقای سەردەشتی ساز بکەن.
ئێستا[دەستکاری]
لە ساڵی ٢٠٠٥وە لە باشوور ژیان بەسەر دەبات لە ساڵی ٢٠١١وە تیپی مۆسیقای فەرمی ھەیە و لەناو خەڵک دا بە "ئیمپراتۆری مللی" ناسراوە. لە ساڵی ٢٠٠٩ ھاوسەرگیری کردوە و لە کۆیە باشووری کوردستان نیشتەجێیە و کچێکی بە ناوی ئانیا ھەیە. ئاوات بۆکانی ئەوکاتانەی کە بێ کارە سەرقاڵ بە شعر نووسین.
لە ساڵی ٢٠١٧دا ئاوات بۆکانی لە زیکۆ و فەرمان جیا بۆوە و تیپی مۆسیقای سەردەشتی ھەڵوەشا. لەوکاتەوە تا ئێستا ئاوات بۆکانی لەگەڵ بارزان مستەفا و ئەمیر ئەحمەدی تیپی مۆسیقای بۆکانیان پێکھێناوە.
