ئالان بۆتان
ئالان بۆتان | |
|---|---|
| لەدایکبوون | ١٩٥٩ بۆتان |
| مەرگ | ٢٠٠٠ سوێد |
| نەتەوە | کورد |
| پیشە | گۆرانیبێژ، ئاوازدانەر |
شاهین موحسن ناسراو بە ئالان بۆتان (لەدایکبووی ١٩٥٩ - مردووی ٢٠٠٠) هونەرمەند، ئاوازدانەر و گۆرانیبێژی کورد بوو.[١][٢] کۆمەڵێک لە ئاواز و هەڵبەستە بەناوبانگەکانی مۆسیقای کوردی لە بەرهەمەکانی ئالان بۆتان بوون، بەڵام کاتێک لەلایەن هونەرمەندانی دیکە وتراوە ئاماژەی پێ نەکراوە.[١]
ئالان لە شۆڕشی گوڵان پێشمەرگە بوو.[٣] لە ساڵی ١٩٨٦، چووە سوێد و لەوێ داوای مافی پەنابەری کرد. دواتر هەر لەوێ هاوسەرگیریی کرد.[١] لە ساڵی ٢٠٠٠، لە سوێد کۆچی دوایی کرد.
ئالان و شڤان پەروەر
[دەستکاری]شڤان پەروەر و جوان حاجۆ چەند گۆرانییەکی ئالانی وتووە، شڤان پەروەر خۆی بە هاوڕێیەکی ئالان ناساندووە. دەربارەی ئالان وتوویەتی:[١][٤]
«ساڵی ١٩٨٨ بوو کە بۆ یەکەمجار ئالانم ناسی و زۆربەی گفتوگۆکانمان لەسەر گۆرانی کوردی بوو... خۆی ئاوازدانەرێکی گەورە بوو و هەروەها مۆسیقای لە مێلۆدی کوردیدا دەزانی. گۆرانی زۆری هەبوو، بەڵام ئەو گۆرانیبێژانەی گۆرانییەکانی دەوتەوە، ناوی ئەویان نەنووسیوە و بەشێک لە تێکستی گۆرانییەکانی لەلایەن ئەوانەوە گۆڕدراون و بە کوردییەکی خراپەوە وتوویانە.»
ئالان لە چاوپێکەوتنێکدا ئاماژەی بەوەداوە، گۆرانیبێژانی تورکیش هەڵبەست و ئاوازەکانی ئەویان بردووە بەبێ ئاماژەدان بە ناوی ئەو ئەوا نووسیویانە نادیار.[٣]
بەرهەمەکان
[دەستکاری]گۆرانی تاک
[دەستکاری]- من بێریا ته کریه
- وا هاتن پێشمهرگێن مه
- سەرهەڵدان
- ههڤالنۆ هۆ
- زیندان
- سلێمان
سەرچاوەکان
[دەستکاری]- 1 2 3 4 Lotikxane (٦ی حوزەیرانی ٢٠١٤). «Stranên wî ne, lê kesek navê wî nabêje |» (بە ئەڵمانی). لە ١٤ی ئابی ٢٠٢٥ ھێنراوە.
- ↑ «Hebûna Stranan û Nebûna Navî… ALAN BOTAN KÎ YE..?». Yek.Dem (بە ئینگلیزیی ئەمەریکایی). لە ١٤ی ئابی ٢٠٢٥ ھێنراوە.
- 1 2 «ئالان بوتان ئەو ھونەرمەندێ ھاتیە ژبیركرن». Sibehî سبەھی. لە ١٤ی ئابی ٢٠٢٥ ھێنراوە.
- ↑ «Jiyana Alan Botan». Bernamegeh (بە تورکی). ١٢ی ئابی ٢٠١٩. لە ١٤ی ئابی ٢٠٢٥ ھێنراوە.