لە ئینسایکڵۆپیدیای ئازادی ویکیپیدیاوە
ماکاو خاوەنی ئابوورییەکی بازاڕی زۆر پێشکەوتووە، کە لە دوای ڕادەستکردنەوەی بە چین لە ساڵی ١٩٩٩دا وەک یەکێک لە کراوەترین ئابوورییەکانی جیھان ماوەتەوە. ھەناردەی جلوبەرگ و گەشتیاریی پەیوەندیدار بە قومار کۆڵەکەکانی ئابوورییەکەن. لەبەر ئەوەی ماکاو زەوییەکی کشتوکاڵیی کەم و سەرچاوە سروشتییەکی کەمیشی ھەیە، بۆ زۆربەی ھاوردەکانی خۆراک، ئاوی شیرین و وزە پشت بە خاکی سەرەکیی چین دەبەستێت. ژاپۆن و ھۆنگ کۆنگ دابینکەرە سەرەکییەکانی کەرەستە خاوەکان و کاڵا سەرمایەیییەکانن. ئەگەرچی ماکاو بە توندی بەھۆی قەیرانی داراییی ئاسیا لە ١٩٩٧–٩٨ و پاشەکشەی ئابووریی سەرەتای ٢٠٠٠ەکان زیانی بەرکەوت، بەڵام ئابوورییەکەی لە نێوان ٢٠٠١ و ٢٠٠٦دا ساڵانە بە تێکڕا نزیکەی ١٣٫١٪ گەشەی کرد.[١]
- ↑ «AMCM». لە ڕەسەنەکە لە ١٩ی کانوونی یەکەمی ٢٠١٢ ئەرشیڤ کراوە. لە ٢٣ی کانوونی یەکەمی ٢٠٠٧ ھێنراوە.
