ئابووری ئەفریقا

ئابووریی ئەفریقا
لقی	ئابووری جیھان
وڵات	بێ نرخ
جێ	ئەفریقا
لە ویکیدراوە دەستکاریی زانیارییەکان بکە

ئابووریی ئەفریقا لە بازرگانی، پیشەسازی، کشتوکاڵ و سەرچاوە مرۆیییەکان پێکدێت. بەپێی ئامارەکانی ساڵی ٢٠١٢؛ نزیکەی ١٫٠٧ ملیار کەس لە کیشوەری ئەفریقادا نیشتەجێن کە لە ٥٤ دەوڵەتی جیاوازدا دەژین. ئەفریقا کیشوەرێکی زۆر دەوڵەمەندە بە سەرچاوەکان، بە پێچەوانەی دانیشتووانەکەی کە بە یەکێک لە ھەژارترین دانیشتووانەکان لە پاڵ کیشوەرەکانی تری جیھاندا دادەنرێن. گەشەی ئەم دوایییەی کە ژمارەیەکی زۆر لە وڵاتانی کیشوەرەکە بەخۆیانەوە بینیویانە، بۆ گەشەی فرۆشتنی کاڵا و خزمەتگوزارییەکان و بەرھەمھێنان دەگەڕێتەوە.

دانیشتووانی کیشوەری ئەفریقا ھەژارترینن لە جیھاندا، لە بەراورد لەگەڵ تێکڕای بەرھەمی ناوخۆیی بۆ ھەر تاکێک. لەگەڵ ئەوەشدا، بەشەکانی کیشوەرەکە لە چەند ساڵی ڕابردوودا دەستکەوتی گەورەیان بەدەستھێناوە. لە ساڵانی ڕابردوودا، زۆرێک لە وڵاتانی ئەفریقا بوونەتە یەکێک لە خێراترین ئابوورییە گەشەسەندووەکانی جیھان.