دەزگای توێژینەوە و بڵاوکردنەوەی موکریانی
 | ئەم وتارە لەوانەیە پێویستی بە خاوێنکردن ھەبێت تا بگات بە شێوازی ستانداردی نووسین. |
دەزگای توێژینەوە و بڵاوکردنەوەی موکریانی سەرەتا وەک دەزگایەکی چاپ و بڵاوکردنەوەی کتێب لە ٤/٧/٢٠٠٠ لە شاری ھەولێر دامەزراوە. لە ماوەی نزیکەی ٢٧ مانگدا ١٠٣ کتێبی جۆراوجۆر لە بواری مێژوو، سیاسەت، ھزر و کۆمەڵگا و کولتور و ئەدەبدا بڵاو کردۆتەوە. دوای لە کاروەستانی بۆ ماوەی زیاتر لە دوو ساڵ، لە سەرەتاکانی ساڵی ٢٠٠٥ەوە دیسانەوە دەستی بەکار کردۆتەوە.
ئێستا دەزگای موکریانی لە سێ بەشی سەرەکی پێکھاتووە:
- بەشی چاپ و بڵاوکردنەوەی کتێب
ئەم بەشە ، بە پلەی یەکەم بایەخ بە وەرگێران و چاپ و بڵاوکردنەوەی کتێبی سەرچاوە و زانستی لە بواری سیاسەت، کۆمەڵناسی، مێژوو، ھزر و فەلسەفە، بەرھەمی ئەدەبیی جیھانی (ڕۆمان) و ... دەدات. ئەگەر چی خۆی وەک بەشێکی تایبەت بە کتێبی وەرگێڕدراو ناساندووە بەڵام بە مانای ئەوە نییە کتێبی نووسینیش چاپ و بڵاو ناکاتەوە. ئامانجی ئەم بەشە بەشداریکردنە لە دەوڵەمەندکردنی کتێبخانەی کوردی بە سەرچاوە و ژێدەر لەو بوارانەی سەرەوەدا.
بایەخ بە بابەتە سیاسی و کۆمەڵایەتی و مەعریفییەکان دەدات.
گرنگی بە توێژینەوەی کێشە سیاسی و کۆمەڵایەتی و ھزرییەکانی گۆڕەپانی ھەرێمی کوردستان دەدات. لەم کارەشدا لایەنی عەمەلیبوونی توێژینەوەکانی جێی بایەخە.
دەزگای موکریانی داوا لە نووسەر و ڕۆشنبیرانی کورد دەکا لەو بوارانەدا بەشداریی بکەن. دەزگای موکریانی خۆی تایبەت بە ھەرێمی کوردستانی عێراق نازانێت و ھەموو نووسەر و ڕۆشنبیرانی کورد لە دەرەوە و ناوەوە لە بەر دەگرێتەوە.