ھەوێردە

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
ھەوێردەی ئاسایی

ھەوێردە یان کەڕەواڵە (بە ئینگلیسی :Quail، بە فارسی : بلدرچین بە عەرەبی :سَمانی، بە کوردیی باکووری : Heyal، ناوی زانستی :Coturnix coturnix ) باڵندەیەکی بچووک و خرپنە لە تۆرەمەی قەرقاوڵان و کەمتر دەفڕێ و زۆرتر بە سەر زەویدا دەگەڕێت، پەڕوباڵی بۆر یان قاوەییە.

ھەوێردە ١٧ سم دەبێ، بە تۆی گژوگیا، مێروو و جانەوەری ورد دەژی، لە سەر بژوێن و ناو گژوگیادا ھێلانە ساز دەکا و لە فڕینی کورت و تونددا وەستایە. چەن جۆریان وەک ھەوێردەی ئاسایی و ھەوێردەی ژاپۆنی کۆچەرن و مەودای زۆر دوور ده‌پێون. لە بڕێ وڵاتاندا بۆ گۆشت و ھێلکە رایدەگرن. بەداخەوە ئەم باڵندە لە ژینگەی سرووشتی خۆیشیدا ده‌درێته‌ به‌ر پەلاماری ڕاوچییانی بەدفەڕ.

ناوەکان[دەستکاری]

بڵاوەی فراوانی ھەوێردە لە ناوچە جیاوازەکانی کوردستان، بووەتە ھۆی لێکەوتنەوەی ناوی جۆراوجۆر، کە گرنگترینیان بریتییە لە:

کەڕەواڵە ، سەمانەک ، بەتەک ، فیلە گێژە ، قارووتک ، قورقرۆک ، کوڵەفڕ ، کەراک ، بدبەدە ، کیراسو ، وەتەک ، ھەیال

سەمبول[دەستکاری]

وێنەی ھەوێردە

w

لە خەتی ھیرۆگلیفی میسریدا لە جیاتی پیتی و دادەنرا.

ھەوێردە لە پزیشکی کۆندا[دەستکاری]

لە پزیشکی کۆن و خۆماڵیدا خواردنی گۆشتی ھەوێردە بۆ دەرمانی بەردی گورچیلە و میزەڵدان بەسوودە. ھەروەھا لە سەر ئەو باوڕە بوون کە خواردنی ھێلکەی ھەوێردە بۆ زمان گرتن و زمان کردنه‌وه‌ باشه‌.

جۆرەکانی ھەوێردە[دەستکاری]

سەرچاوە[دەستکاری]

فەرھەنگی باڵندە [[١]]