ھومایوون شەجەریان

ھومایوون شەجەریان
لەدایکبوون	٢١ی ئایاری ١٩٧٥  (تەمەن ٤٨ ساڵ) تاران
پیشە	مۆسیقاژەن، گۆرانیبێژ، هونەرمەندی تۆمارکردن
باوان	محەممەدڕەزا شەجەریان
خێزان	Mojgan Shajarian
وێبگە	http://delawaz.com/

ھومایوون شەجەریان (بە فارسی: همایون شجریان‎‎؛ لەدایکبووی ٢١ی ئایاری ١٩٧٥ لە تاران) گۆرانیبێژێکی مووزیکی میللیی ئێرانییە. لە بنەماڵەیەکی پڕ لە ھەستی مووزیک لەدایکبووە. ھومایوون کوڕی محەممەدڕەزا شەجەریانە. ھەر لە منداڵییەوە خۆشەویستی زۆری بۆ مووزیک و ڕیتم ھەبووە و دواتر لەڕێگەی باوکییەوە لەلای ناسر فەرھەنگفەر فێری تەکنیک و ناسینی ڕیتم بووە و بۆ چەندین ساڵ لای جەمشیدی مووحێبی بەردەوام بووە. لە تەمەنی ١٠ ساڵیدا لەگەڵ خوشکەکانیدا لای باوکیان گۆرانییان دەستپێکرد. دواتر بۆ پسپۆڕی خۆی کەمانچەی ھەڵبژارد، و لە ھەمان کاتدا لای ئەردەشیر کامکار فێری تار و سەنتوور بوو. دواتر لە کۆنسێرتەکانی باوکیدا بەشداریی کردووە. ھومایوون یەکەم ئەلبومی سەربەخۆی خۆی بەناوی «نەسیمی وەسڵ» لە ساڵی ٢٠٠٣دا بڵاو کردەوە و خاوەنی یەک کچە بەناوی یاسەمین شەجەریان.

پیشە

ھومایوون لە ٢١ی ئابی ٢٠٢٢، لە کەناڵی فەرمیی خۆی لە یووتیووب دوو پارچەڤیدیۆی بە ناوەکانی «مینا» و «شیرین سەوزە» کە دوو گۆرانیی فۆلکلۆریی کوردین بڵاو کردەوە و ڕۆژی دواتریش تەواوی ھەردوو گۆرانییەکەی بڵاو کردەوە.

سەرچاوەکان

• بەشداربووانی ویکیپیدیا، «همایون شجریان»، ویکیپیدیای فارسی. سەردان لە ١٨ی تەممووزی ٢٠١٣.

بەستەرە دەرەکییەکان

• ھومایوون شەجەریان لە ئینستاگرام
• ھومایوون شەجەریان لە فەیسبووک