کۆمێدیای یەزدانی

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان
دانتێ «کۆمێدیای یەزدانی» لەدەستدایە - دەروازەی دۆزەخ، تەنیشت هەفت نهۆمەی چیای پورگاتۆری و شاری فلۆرانس، لە ژێر بنبانی بەهەشتدا. نیگار: هونەرمەند میچەلینۆ Michelino.

«کۆمێدیای یەزدانی» Divina Commedia شاکاری دانتێ (Dante Alighieri (1265-1321 ی شاعیری ئیتالییە، یەکێکە لە دیوانە ھەرە ناودارەکانی جیھان، بە زمانی ئیتالی نووسراوە و بریتییە لە سێ بەش.

لە بەشی یەکەمدا دانتێ سەرگەردانی دۆزەخە (Inferno). ئەو مرۆڤگەلەی لە ژیاندا تاوانکار بوون، لێرە، لە نۆ بازنەدا ئەشکەنجە دەدرێن. ھەتا بازنە قووڵ بیتەوە، تاوان سەختتر و ئەشکەنجە زیاتر بەسۆیە.

«بەرزەخ» بەشی دوەمە. ئەمیان چیایەکی ھەفت بنارە، مردووەکان بۆ پاکبوونەوە لە تاوانەکانیان، دەبێت ھێدی ھێدی بەسەریاندا ھەڵکشێن. لێرەدا دانتێ بە دیداری یاری جەوانەمەرگ Beatrice شاد دەبێتەوە.

بەشی سێیەم بەھەشتی نۆ ئاسمانە. ئاسمانی ھەرە بەرز خانەی یەزدانە و Beatrice خانەی ھەر لەوێیە. [١]

جێی سەرنجە کە تاکە کەسایەتیی کورد کە ناوی لە شاکاری وێژەیی ھەرە نایاب و ھەرە ناوداری جیھاندا ھاتبێت «سەلاحەددین ئەییووبی» یە! دانتێ لە «کۆمێدیای یەزدانی» دا کە دێتە سەر باسی دۆزەخ، مرۆڤە تاوانکارەکانی مێژوو لە بازنەی جیاوازدا پۆلێن دەکات‌، ھەڵبەت بە دیدی ئەو سەلاحەددین ئەییووبی Saladin تاوانبارێکی گەورە بوو چونکە خاچپەرستانی لە «خاکی پیرۆز» وەدەر نا.

دانتێ لە «کۆمێدیای یەزدانی» دا سەلاحەددین بە یاوەریی چەندین کەسایەتیی مەزنی وەک سوکرات و پلاتۆن (ئەفلاتوون) لە بازنەی ھەرە باڵادا ڕیز دەکات. [٢]


پەراوێز[دەستکاری]

  1. http://www.ne.se/enkel/dante-alighieri ”Nationalencyklopedin”
  2. Dante Alighieri. Den gudomliga komedin. Sidan 30. Natur & Kultur 2006