کایەی دەروونناسانە

لە ویکیپیدیاوە، ئینسایکڵۆپیدیای ئازاد
باز بدە بۆ: ڕێدۆزی، گەڕان

تیۆریی «کایەی دەروونناسانە» Force-field analysis بەرهەمی کورت لەڤین (Kurt Zadek Lewin (1890-1947 ی زانای دەروونناسە. تیۆریی «کایەی دەروونناسانە» دەڵێ مرۆڤ هەرگیز تەنها نییە، هەمیشە دەوری دراوە بە کایەیەکی دەرووناسانە و ڕەفتاری مرۆڤ بەرتاوی دوو جۆر هۆکارە[١]:

جۆرێک سۆبژەکتیڤە (زاتییە) - لە نێو مرۆڤ خۆیدایە، بۆ نموونە:

- دەرک و لێکدانەوە و دیدی ئەو مرۆڤەیە بۆ «بارودۆخ» و ڕووداوی دەوروبەر

- بەستنەوەی هۆکار بە دیاردەوە، بۆ نموونە گەر بەرهەم باش و سەرکەوتوو بوو ئەوا هونەری خۆمانە و گەر دۆڕاین و کۆشانمان مایەپووچ دەرچوو، ئەوا تاوانی دەوروبەرە

- خۆبڕوا (بڕوا بەخۆبوون) و چاوەڕوانی و لێڕادیتن، «خۆدیتن» و «ئەودیتن» واتە - مرۆڤ چۆن لە خۆی و چۆن لە بەرانبەر دەڕوانێت، دیدی بەرانبەر هەردوو لا چۆنە

- مەیل و بەهاگیری - چەمکی «مەیل» هەردەم ئاڕاستەی بابەت، دیاردە یان کەسێکی بەرانبەرە.


جۆری دووەم ئۆبژەکتیڤە (بابەتەکییە) - لە دەوروبەری مرۆڤدایە: بریتییە لە خودی «بارودۆخ» و ئەوەی بەڕاستی ڕوو دەدات. بۆ نموونە سازمان، گرووپ و کاروبار. مرۆڤ هەم بەرتاوی سازمان و گرووپ و کاروبارە، هەم کاریگەریی هەیە لەسەر ئەو بابەتانە.

بە دیدی لەڤین مرۆڤ بەرتاوی نۆرم و بەهای گرووپە. لەبەر ئەوە باشترین ڕێگە بۆ گۆڕینی ڕەفتاری مرۆڤ بریتییە لە گۆڕینی نۆرم و بەهای گرووپ. بۆیە کار لەگەڵ گرووپ، خوێندن و ڕاهێنانی گەلدەست و هەروەها بەرنامەی تیمکاری ئاکام و بەرهەمی باشترە.  


سەرچاوە[دەستکاری]

Psykologilexikon

«سازمانگەری»


پەراوێز[دەستکاری]

  1. Bruzelius, Lars H. & Skärvad, Per-Hugo. Integrerad organisationslära. Studentlitteratur (2011): 290

بەستەری دەرەکی[دەستکاری]

Kurt Lewin Institute